Ilki bilen ynsany täzeden tanalyň: ynsanda agyr basýan duýgular tekepbirlik, gedemlik, peýda görmeklik we lezzet alma duýgularydyr. Durmuşda bu duýgular ynsana ýol görkezip durýar, bu ýollardan gitmeklik ynsanyň özüne bagly. Öýüň hanymy-da, ýoldaşy-da hatda çagalary-da öz rahatlygy we peýdasyny pikir ederler. Elbetde bu ýagdaýlarda garşylyklar bolar. Ynsanyň tebigaty şeýledir; nebsine boýun bolup ýörmek, has hem bagtly bolmak islär. Yoldaşlarynyň islegleri bir-birine garşy gelende dawalar başlar. Dawalar ýerini gaty görmeler alar. Gaty görüşmelerden soňra tekepbirlik aýaga galar we, “Ol gelip ötünç soramasa gaty görüp ýörjek!...” diýen düşümje bolýar. Amerikada bir ateist şeýle diýýär, “Aslyna seretseň men Taňra ynanýan ýöne Taňrynyň emirlerine boýun bolmak islämok” Ine, syr şu ýerdedir. Başgasynyň emirlerine boýun bolmak islemezlik... Bu ýagday durmuşda-da köp garşymyza çykýar. “Bu dünýä gul bolmaga gelmedim!” diýip ak baýdaklaryny pese düşüren ýan-ýoldaşlar belki telewizoruň, belki-de çilimiň guludyr... Bir dostum meni haýran galdyran şu sözleri aýdypdy: “Aýlygymy alamda aýalyma gerek zatlaryny almasy üçin pul berýärin. Aýalymyn etmek isleýän zatlarynyň hemmesini isleg bilen etýän. Meň üçin aýalym menden öň gelýär. Öz kulturam we aklym bilen bu ýoly saýlap aldym. Edil meniň etýän zatlarymy aýalymdan garaşamogam. Ýöne garşylygyny hökman alýan. Bagtym üçin şu metod ýeterli.” Bu dostum obanyň ymamy däldi, ýönekeýje bir döwlet işgäri. Ýene bir maşgala bilen gürründeş bolanymyzda; “ Eje-kakamyzyň durmuşynda görüp halamadyk zatlarymyzy öz durmuşymyzda etmedik. Daş-töweregimizdäki halamadyk zatlarymyzdan sapak edindik. Halaýan adamlarymyzyň durmuşlaryny özümize nusga alypdyk.” “Tuweleme, gaty gowy...” diýdim. Bu metody menem öz durmuşymda ýerine ýetirýändigimi soň duýdum. Meselem ejem kakam okama ýazma bilenokdy. Menem öýlenemden 1 aý soň öýümde kitaphana gurdum. Ejem kakam baý maşgala däldi. Menem başgalaryna mätäç bolmazlyk üçin häzirem işleýän. Aýalymyň aglamazlygy üçin elimden gelýän hemme zady etdim... Bir erkek işinden öýüne, aýalyna gowuşmagyň şatlygy bilen geler. Ayaly-da adamsynyň ýylgyryp duran ýüzüni görmek islär. Erkek-de, aýal-da 80 ýaşyna gelsede bir-birinde gyzyklanmagy islär. Maşgalada gowy bir hyzmatçy, gowy bir aşçy, gowy bir eje, gowy bir kaka, gowy bir çaga bolup biler ýöneeee gowy bir ýan-ýoldaş bolmak, sungatdyr...