beýik dagyň başyndaky üç agaç – düybi bir bolmasa, çatyp bolmaýar, dagda ýatan düye ýaly daşlary gol bilen göterip, atyp bolmaýar. kelte dinden bolmaz beyik minara, yaman heley duşsa bir yagşy äre – başyn kesip, ganyn döküp kenara, ya oldürip, ya-da satyp bolmaýar. il içinde seniň ulalsa adyň, seni yaman görmez yakynyň- yadyň, golunda bolmasa bir gerek zadyň, “meniňki” diyp, başyn tutup bolmaýar. pakyrlar mal istar, baylar zer diyer, yekeje eşekli: “atym – ner” diyer, dünyage doymak yok, yene ber diyer, könül maksadyna yetip bolmaýar. bolajak sözleri aytdym her yerden, ajal yakan tutsa, solar sen irden, aýalyň yamany sowuk demirden, hudaýym duş etse, ötüp bolmaýar. her kim elin gerer pany jahana, saglykda şypa ber bu şirin jana, bu dünýa bil baglan galar zyyana, dunýa dostlugyna bitip bolmaýar. magtymguly, pendiň alan bolmasa, nesihata gulak salan bolmasa, yigit könül söyenini almasa, dynç alyp, parahat yatyp bolmaýar.