Haram adamlara bir nokada ýygnanmak bolmaýar, eger olar barybir ýygnanaýsa, diýmek uly heläkçiligi garaşybermeli. Haramlygyň bir nokada jemlenende heläkçiligiň bolýanyny, iň birinji gezek bize Mukaddes kitaplar görkezdi. Şol ady belli ýok edilen şäherler, Sadom we Gamorra. Beýik Ýaradyjy haramlygyň üýşen ýerini ýok edýänligini görkezdi, emma biz bu zatlary köneleriň ertekisi ýaly kabul edýäs. Hakykatda welin bu mehaniz edil sagadyň mehanizmy ýaly ygtybarly işleýär we biziň günlerimizde öziniň bardygyny görkezip durýar. Beýik Ýaradyjy Sadom we Gamorradan soň hem, örän köp şäherleri weýrat etdi, emma ol heläkçilikler barada entek Mukaddes kitap çykanok, belki Kerimi Kurandan soň asmandan injek kitaplaryň birinde, soňky ýok edilen şäherler peýda bolar? Weýran ediji güýji köp adamlar Hudaýyň gazaby diýip düşünse aňsat bolýar, men welin özüm tehnik bolanym üçin, bar zady mehanizmlar görnüşde göz öňüne getirmegi gowy görýän. Göz öňüne getiriň, asmanda bir ýerde uly bir ýarag bar, ol ýaragyň ady hem "Jebraýylyň jebri". Ol ýaragy raketalar toplymy, ýa-da uly lazer hökmünde göz öňüne getiriň. Indem ol ýarag herekete geçer ýaly nämäň gerekdigi barada oýlanyp görüň. Ýaragyň esasy nyşany haramlyk we ýaramaz duýgylar. Eger haýsam bolsa bir şäherde haramlyk we azgynçylyk belli bir prosentdan ýokary galsa, şol şäher hökman ýok edilýär. Bu düzgün biziň döwrümiz üçin hem adalatly. Iň bärkisi 1948-nji ýylda Aşgabadyň haraba öwrülmegi. Ondan başga ýaňy ýakynda käbir şäherleriň we etraplaryň haraba öwrülmegi haramlygyň çenden aşa ýokary galmagyny aňladýar. Edil adyny tutyp aýdyp durjak däl, ýöne bary-ýogy 5-10 ýyl mundan öň, bir şäheriň ýer bilen ýegsan bolanyna biziň ählimiz şaýat boldyk. Şol ýeri şertli belgi bilen şäherçe-N diýip belläli. Eger gowja derňeseň şol N şäherçede küntüçiligiň we jelepçiligiň örän ösendigine göz ýetirseň bolýar. Mukaddes kitaplardaky şäherleri näme üçin ýok etdiler? Beçewazlyk üçin, jelepçilik we küntüçilik üçin. Beçewazlyk üçin irde giçde Ýewropaň ýumruljagy göze görnüp dur. Ýöne Jebraýylyň jebri işe girer ýaly Ýewropa azajyk prosent ýetmeýän bolmaly? Umuman alaňda bar zat ýönekeý, eger belli bir ýerde haramlyk çenden aşa artsa, diýmek şol ýeri ýok edilýär, hökmany suratda ýok edilýär. Ilki başda göräýmäne Jebraýylyň jebri diňe şäherdir etraplara bakdyrlyp goýylan ýaly bolsada, hakykatda bu beýle däl eken. Haram adamlaryň jemleşen islendik ýeri ýok edilýän eken. Mysal üçin gark bolan titanik gämisi hem Jebraýylyň jebriniň işi. Ondan başga samalýotlaryň heläkçilikleriniň köpsüne seredip görseň örän geň bir zada göz ýetirseň bolýar. Mysal üçin samalýoda şol bir hünärli adamlary mündirseň samalýot köplent heläkçilige uçraýar. Samalýoda futbol komandany mündürmek howuply, sebäbi futbolistlaryň haramlygynyň derejesi belli bir prosentdan geçmegi ahtimal we Jebraýylyň jebri şol bada işe girýär. Eger fotbol komandany awia heläkçilikde ýitirmejek bolsa, olar bilen bile samalýoda hökman bir iki sany halal adam mündürmeli. Bir döwletiň deligasyýasyny bir howa gämisine mündirmek hem howuply, sebäbi şäherler üçin adalatly düzgünler howa gämisi üçin hem adalatly. Döwlet delegasyýalarynyň bir howa gämisinde heläkçiligi uçrandyklary az däl. Hakkeý boýunça (ýa-da başga bir sport) komandaň we ekstrasenslaryň bir samalýot bolup ýok bolany belli zat. Eger maňa ynanmaýan bolsaňy wikipediýany açyňda, howa gämileriň heläkçilikleriniň taryhyny ýekeme ýeke okap görüň. Eger ýaltanman şeýle etseňiz, taryhda şol bir hünärli adamlaryň bir howa gämisine münip heläk bolandyklaryna göz ýetirersiňiz. Hünärleri deň adamlaryň içgi dünýäsi hem deň bolýar, eger hünär adamy haram işlere iterýän bolsa, diýmek şeýle hünärli adamlaryň bir nokada jemlenmegi howuply. Sebäbi ýokarda Jebraýylyň jebri haram adamlardan dynmaň pursadyna garaşyp dur. Ýöne haramlardan dynylanda iň esasy düzgün, daş töwerekde halallaryň bolmazlygy.