Ýaponiýadaky ýer yranmasyndan soň halas ediş topary ýaş gelniň ýaşan jaýynyň üstünden bararlar. Harabalaň arasyndan bu gelniň jesedine gabat gelerler.Ýöne bu gelniň ýykylan jaýyň arasynda duran ýagdaýy üýtgeşikdi. Ýagny, elleri bilen birzady tutup, iş edip otyrka dyzlaryna çöken ýaly ýagdaýdady.Jaý hem şol wagt üstüne ýykylan ýalydy. Halas ediş toparynyň ýolbaşçysy diridir diýen umyt bilen bu gelni halas etmäge çalyşar. Gynansagam bu gelniň ýurduny täzelänine köp wagt bolupdy. Onsoň ol başga bir sebäp bilen beýleki ýykylan jaýlara tarap hereket etjek bolanda bir jaýrykdan ol gelniň elindäki zada gözi düşer we ýoldaşlaryna seslener: - Geliň, geliň, bu ýerde bäbek bar! Halas ediş toparynyň uzak wagt zähmetlerinden soň ölen gelniň aşagyndan, owadan gülli düşekjede 3 aýlyjak bir bäbegi halas ederler. Gelin ýeriň yranan wagty öz bedenini bäbejigine zyýan gelmez ýaly edip taýýarlapdyr. Bäbejik bolsa henizem ýatan eken. Medisina işgärleri gelip bäbegiň saglygyna seretmek üçin düşekçesini açanlarynda içinde bir el telefonyna gözleri düşer. Telefonyň ekranynda bolsa hat duran eken. Hatda bolsa şeýle ýazgy bardy: - Eger seni halas etseler, meniň seni söýýändigimi ýatlagyn guzym!