2014-nji ýylda Forbesdäki “ýeke bolmagy söýmek üçin 9 sebäp” atly makalada awtor söýgülisi ýa-da ýoldaşy bolmadyk adamlar özlerine we kariýeralaryna üns berip, özlerini ösdürip bilýändiklerini, şeýle hem olar çynlakaý gatnaşyga başlamazdan öň özlerini kämilleşdiresleri gelýändiklerini öňe sürdi.

2015-nji ýyldaky Bustle žurnalyndaky makalada kariýerasyny romantiki gatnaşyklardan ilerde tutýan adamlaryň has bagtly we üstünliklidigi, iň azyndan bagta we üstünlige has ýakyndygy ýazyldy.

Emma eger barlaglara ser salsak, barlaglar başga zat diýýär:
Gatnaşykda bolan adamlar has köp tölenýär. Iş wezipeleri has çalt ýokarlandyrylýar. Olar iň ýokarky orunlarda bolmaga has ýakyn bolýarlar; güýçli depginde ösen kompaniýalaryň eýeleriniň 70% telekeçilige başlanlarynda öýlenen/durmuşa çykan eken. Şeýle hem Fortune 1000 aýal CEO-larynyň 93%-i durmuşa çykan.

Hemmä mälim bolşy ýaly gatnaşygymyz we işimiz biri-birine täsirini ýetirýär. Ol negatiw (işleri sebäpli stresli bolan adamlar öýde özüne çekilip ýa-da gaharly bolup bilýär) ýa-da positiw (şol gün ýoldaşyndan hoş söz eşiden adamlar işde keýpleri we energiýalary köp bolup, has netijeli işläp bilýärler) bolup bilýär.

Elbetde, diňe statistika seredip ýa-da temany umumylaşdyryp takyk bir netijä gelip bolmaz, ýagdaý her bir adam üçin her döwürde başgarak bolmagy, hem-de munuň gysga möhletde we uzak möhletde faktorlaryň üýtgeýän bolmagy ahmal. Ýöne siz bu temada näme pikir edýärsiňiz? Siziň tejribeleriňize görä haýsysy nähili?