Bir gün ateýistiň biri tebigatyň gözelligini synlamak üçin tokaýa aýlanmaga gidipdir. Ýaradyjynyň ýaradan gözelliklerine seredip: -Tebigat nähili gözel ýaradypdyr bu baglary, otlary we reňkleri - diýeni hem şol eken weli bir ýerden arlap elhenç bir aýy peýda bolupdyr. Ýaňky ateýist aýyny görüp aýagaldygyna gaçyp başlapdyr. Aýy bolsa kowalap ateýisti tutup aşagyna alyp penjesini ýokaryk galdyryp urjak bolup durka janhowluna şeýle dileg edipdir: -Allahym özüň kömek et! Edil şol wagt hemme zat doňup galdy. Derýa akmasyny goýdy, şemal esmesini, ýapraklaram gymyldamasyny, aýynyň hem penjesi ýokarda galdy. Gapdalyndanam bir yşyk peýda boldy we şeýle ses eşidildi: -Hany sen Ýaradyjyňy tanamazdyň, indi saňa näme boldy. Ateýist utanyp ýüzüni aşak saldy. Ses ýene dowam etdi: -Hany bolýa, isle nähili islegiň bolsa. Ateýist: -Indi men iman etjek diýmäge ýüzüm ýok, muny islemäge hakymam ýok. Gowsy şu aýy iman etsin, belki meň halas bolma umydym ýerine düşer. Men aýyň iman etmegini isleýän! Ýaňky yşykdaky ses: -dilegiň kabul boldy- diýip gaýyp boldy. Ondan soň derýa akmaga, şemal esmäge, ýapraklaram gymyldamaga başlady we aýy ateýistiň depesinden inderjek bolup duran penjesini ýere sallap, soň hem iki elini asmana galdyryp şeýle dileg etdi: -Eý Allahym, seniň ryzaň üçin agyz bekledim, saňa ynandym, seniň beren ryzkyň bilenem agzymy açýaryn!