Atlynyň öz atyndan ýykylanyny gören ötegçi: -Be, sen gaty ýykylypdyňda. Heý beýlede bir ýykylmak bolarmy? - diýipdir. Şonda atdan ýykylan: -Bolmanda-da men atdan ýykylamsoň ýer bilen gögüň arasynda asyl-asyl bolup bilmerinä - diýipdir. -Sen meni nämüçin çüýlediň?- diýip, tagta çüýden sorapdyr. -Sen ony çekiçden sora - diýip, çüý oňa jogap beripdir. Muhmançylyga gelenleň biri: -Seniň ataň çagalary bolupmy - diýip, öý eýesinden sorapdyr. Öý eýesi: -Egerde meniň atamyň çagalary bolmadyk bolsa, sen onuň agtygynyň öýüne myhmançylyga gelmezdiň... Durmuşa çykýan gyz gözlerine ýaş aýlapdyr. Gyzynyň bolşuny gören ejesi: -Men durmuşa çykanymda ejemdir kakamyň diýeni bilen boldum - diýeninde, gyzy: -Eje, sen ýat adama dälde, kakama durmuşa çykarypdyrlar ahyryn... Mugallym sapakda çagalara täze täze sapagy düşündiripdir. Ol bir gezek düşündirenden soňra: -Siz düşündiňizmi? - diýip, okuwçylardan sorapdyr. Okuwçylar: -Ýok düşünmedik - diýip jogap beripdirler.Mugallym ýenede iki gezek düşündiripdir. Şonda-da okuwçylar düşünmändirler. Mugallym okuwçylara seredip: -Be, bu wagta çenli meniň özüm düşündim. Siziň düşünmeýändigiňize haýran galýaryn... Mugallym okuwça: -Köp kitap okasaň, dünýägaraýşyň giňär - diýýär. Okuwçy: -Kakam bolsa: "Köp kitap okasaň gözleriň agyrar" diýýär...