Çary gardash,saýlap alan dildaryň, Gollary hünärli,kuwwatly bolsun. Bar arzuwy bolsun-seniň didaryň Didaryň görende ganatly bolsun. Hat sowady az bolmasyn dokuzdan Hamy kümüsh,eti bolsun dykyzdan Perzentler döresin ekiz-ekizden, Hemmesi egsilmesin döwletli bolsun Puluň dargatmasyn sow diýip berseň Köjä döndürmesin,tüwi diýip berseň Egin-eshikleriňi ýuw diýip berseň, Ýuwman seraýmesin! Paýhasly bolsun. Okasyn gazeti,görsün kinony, Göwüne almasyn az-küsh kinäni. Gaýyn ata bilen gaýyn enäni Gözünden salmasyn,hormatly bolsun. Geýmäwersin iki metr “tahýany”, Bolsun obaňyzyň zarpçy daýhany, Gülüp garshylasyn gelen myhmany, Saçagy müň dürli nygmatly bolsun. Üstüne gün dogdurmasyn ýatanda, Göwnüňi götersin habar gatanda, Garramasyn elli ýasha ýetende, Elmydam gujagy jennetli bolsun. Göwni tämiz bolsun,-ýasyn köpe, Kän ýakyn barmasyn gybata-gepe, (Shondaam ägä bol,eý Çary shepe) Alty hem abraýly,shöhratly bolsun. Ishden gelseň nahar etmän goýmasyn, Burçun atsa,duzun atman goýmasyn. Çaý berende çaýyn atman goýmasyn, Bishiren tagamy lezzetli bolsun. Dogduk depesiniň bilbili Çary, Saýlapsyň,alypsyň mynasyp ýary. Ýar gadyryn bilmek -är kishiniň käri, Elmydam dilleriň sherbetli bolsun. Oňat gelin oňat ýigide täç bolar, Iki oňat-egsimeýän güýç bolar, Bir tarapyň oňatlygy hiç bolar, Iki tarapyň-da sögetli bolsun. Eçil bu gün Tüýli gardash,Täç daýza, Bu gün malyň gysganmagyn hiç daýza. Myhmanlaryň bolmasyn aç daýza, Nahar dasha! Myhman gurbatly bolsun! Kerim Gurbannepesow "Gelin toýunyň gutlagy"