Düşün seni ýitiresim gelmeýär,
Ýitirsem hiç mahal tapmajak ýaly.
Men sensiz şu günler şeýle bir gorkýan,
Ertir ykbal dañym atmajak ýaly.

Şat akar tersine akaýjak ýalt,
Günler yza ätjek ýaly ädimin.
Yşka düşen gök baglary terk edip,
Awara ýel süýräp barýar ädigin.

Gujagy aýdymly owadan dünýä,
Sensiz ýitirjege meňzeýär görkün.
A men ýene tanyş ýolda azaşdym,
Şu pursat hiç zada ýetmeýär erkim.

Gözlerime görünmeýär giň älem,
Goşga öwrülip dur aýtjak sözlerim.
Süýji düýşi bagra basyp oýansaň,
Şindilerem nemlenýärmi gözleriň?!