Biler bolsaňyz biziň bedenimiziň ähli maglumatlary nuklein kislotalarynda (DNK da we RNK-larda) saklanýar. Beloklar emele gelende bolsa DNK-dan i-RNK göçürilýär. Janly bedeninleriň öýjüginde DNK ýadroda hromosomanyň içinde ýerleşýär. Ol ikileýin spirallydyr. Organizmlerde RNKlaryň 3 görnüşi bar. i-RNK (infarmasion RNK) ýa-da m-RNK (matrisa RNKsy), r-RNK (ribosoma RNK-sy), t-RNK (transport RNK) . RNK lar bir zynjyrdan düzülendir. Nukleotidler - nuklein kislotalarynyň birligi (monomeri). Onuň düzümi fosfor kislotasynyň galyndysy (H3PO4), 5 uglerodly (pentoza) uglewod - dezoksiriboza (DNKda) ýa-da riboza (RNKda) we 4 sany azotly esaslar (pirimidin we purinler): A (adenin ýa-da adelil), G (guanin ýa-da guadil), S (sitozin ýa-da sitidil) we T (timin ýa-da timidil DNKda bar) ýa-da U (urasil ýa-da urudil RNKda bolýar).

Mesele: 420 aminokislota galyndysyny saklaýan belogy şertlendirýän gen her biri 3000 nukleotid jübütlerinden ybarat bolan intronlaryň (intron-genetiki maglumatyň okalmaýan bölegi, bu bölek beloklar baradaky maglumaty saklamaýar) 2 sanysyny öz içine alýar. Şeýle geniň uzynlygyny hasaplaň.
Onda ilki genimiziň näçe nukleotidden düzülendigini hasaplaýarys: 420 aminokislota kodlanýar bolsa, 1 aminokislotany 3 nukleotid okaýar. Onda 420*3=1260 nukleotid
2 sany 3000 nukleotid saklaýan intron bar bolsa, 2*3000= 6000 nukleotid
1260+6000=7260 nukleotid, onda geniň düzüminde şonça nukleotid bar.
Bizden uzynlygyny soraýarlar. Nukleotidleriň uzynlygy 0,34 nm ýa-da 34 Angstrýum
7260*0,34=2468,4 nm . Geniň uzynlygy 2468,4 nm eken.