Худай бизден нәме талап эдйәр? Худай кимдир? Хак Худай кимдир ве онуң ады нәме? (1, 2) Онуң тени нәхили? (3) Онуң иң эсасы хәсиетлери нәхили? (4) Оңа сежде эдениңде шекиллери ве нышанлары уланмак болярмы? (5) Хайсы ики усул билен Худайы танап болар? (6) 1. Адамлар көп зада сежде эдйәрлер. Эмма Мукаддес Язгыларда диңе бир ХАКЫКЫ Худай бар дийилйәр. Гөкдәки ве ердәки затларың хеммесини ол яратды. Яшайшы бизе ол берен болса, диймек диңе Оңа сежде этмели (1 Коринтослылар 8:5, 6; Ылхам 4:11). 2. Худайың энчеме титуллары бар, эмма ады бирдир. Худайың ады — ЕХОВА. Мукаддес Язгыларың энчеме терҗимелеринден Худайың адыны айрып, ерине Реб ве Худай титулларыны, ягны тутян везипелериниң атларыны гойдулар. Эмма Мукаддес Язгыларың асыл нусгасында, «Ехова» ады такмынан 7000 гезек душяр! (Зебур 8:1; Барлык 15:2). 3. Ехованың тени бар, эмма бизиңкиден тапавутлы. «Худай Рухдур» — дийип, Мукаддес Язгыларда айдыляр (Яхя 4:24). Рух — бизиңкә гөрә, яшайшың хас ёкары гөрнүши. Худайы хич хачан бир адам хем гөрен дәлдир. Ехова гөкде яшаяр, йөне хемме зады гөрйәндир (Зебур 11:4, 5; Яхя 1:18). Эйсем мукаддес рух нәме? Ол, Худай ялы шахсыет дәл. Ол, Худайың херекет эдйән гүйҗи (Зебур 104:30). 4. Мукаддес Язгыларда Ехованың шахсыети ачыляр. Онуң эсасы хәсиетлери гөркезилйәр — сөйги, адалатлылык, пайхаслылык ве гүйч (Кануның Гайталанышы 32:4; Эйюп 12:13; Ишая 40:26; 1 Яхя 4:8). Мукаддес Язгыларда шейле хем Худай рехимли, мәхирли, гечиримлиге тайын, гөвначык ве сабырлы дийилйәр. Биз хем, гулак асян чагалар кимин, ондан гөрелде алҗак болуп җан этмели (Эфеслилер 5:1, 2). Биз Худайы, онуң ярадан затларының ве Мукаддес Язгыларың үсти билен танаярыс. 5. Худая сежде эдениңде шекиллери, суратлары, нышанлары хорматламак ве олара дога этмек болярмы? Ёк! (Чыкыш 20:4,5). Ехова, бизиң диңе оңа сежде этмелидигимизи айдяр. Ол өз шөхратыны хич ким я-да хич бир зат билен пайлашмаз. Шекиллериң бизе көмек этмәге гүйҗи ёк (Зебур 115:4—8; Ишая 42:8). 6. Худайы нәдип говы танап болар? Биринҗи усул — онуң ярадан затларына гөз айлап, нәме аңладяндыгыны чуңңур ойланмак. Худайың ярадан затлары, онуң бейик гүйҗүниң ве акыл-пайхасының бардыгыны гөркезйәр. Әхли дөреден затларында онуң сөйгүси гөрүнйәр (Зебур 19:1—6; Римлилер 1:20). Худайы танамагың икинҗи усулы — Мукаддес Язгылары өвренмек. Оларың үсти билен Худай өзи барада хас көп затлар айдяр. Мукаддес Язгыларда ол өз ниети ве бизден нәме ислейәндиги барада хем айдяр (Амос 3:7; 2 Тимотеос 3:16, 17).