Halyfa Hz. Omar (r.a.) bir mejlisde töweregindäkilerden sorady: -Eger-de dilegiňiz şol wagt kabul edilse näme dilärdiňiz. Otyranlardan biri aýtdy: -Men şu meýdany doldurjak altyn dilärdim. Ony hem Yslam ýolynda harçlap uly bir hyzmat ederdim. Ýene biri: -Pylançarak mal-mülk islärdim. Gerek wagty ulanyp dine peýdaly işler ederdim. Her kimden şuňa meňzeş sözler çykdy. Hezreti Omar r.a. bu aýdylanlardan göwnühoş bolmady. Bu gezek mejlisdäkiler Hezreti Omardan r.a. soradylar: -Eý Omar, sen bolsaň näme dilärdiň? Hezreti Omar r.a. şeýle jogap berdi: -Men Yslama hyzmat etmek üçin Muaz, Salim, ebu Ubeyde ýaly adamlaň ýetişmegini islärdim!!!