sen-ä aldan bolýañ, bizem ynanan, sen-ä aglan bolýañ, bizem gynanan, ýurt çapylýar, dogry, alajymyz ýok, il soýulýar, ogry -- pirmi-hajy-hak, sellelimi, sellesizmi, penjekli, bir aýally, iki aýally, parhy nä, gidip otyr, saklaýan ýok dur diýip, iýen iýip gidýär, sümüren sümürip. sen-ä aldan bolýañ, bizem ynanan, onsoñ ikimizem bolýas guwanan, bir-birege söz saýlaýas ýüreksiz, (ýüreksiz ýaşaýan galmaz böreksiz), kiçi dilden bärde ýylgyrýas uly, nätjek, adam ogly garnynyñ guly, çörek hem aýmança, aýlanarsyñ sen, tans edersiñ, bökjeklärsiñ, oýnarsyñ, belki, kä gullardan saýlanarsyñ sen, belki, biraz öz göwnüñi aldarsyñ sen-ä aldan bolýañ, bizem aldanan, iller goldan bolýar, senem goldanan, dilegçi, tamakin, soranjañ gözler, ýyryş-ýyryş, ýöne tuwaksyz ýüzler, inkubator jüýjesi deý köpelýär, çynyn diýjekleriñ agzy dykylýar, bu öñden, gadymdan ýörelge, adat, çynçyly gamçyla, gandalla, ýadat, ýalança altyn dök göz edip ile, goý, hemme düşünsin, nämede hile! sen-ä iýen bolýañ, bizem iýilen, belki, şunuñ özi durmuş diýilen?..