Arapmuhammet han 1602-1621-nji ýyllarda Hywada hanlyk edipdir.Ol ilki Durunyň hökimdary, kakasy Hajymuhammet han ölenden soň, bütin Hywanyň hany bolýar. Onuň hökim süren döwürinde Harezmde gazaply gan döküşikli feodalçylyk uruşlary bolypdyr. Şol uruşlara türkmen han –begleri we taýpalary köpçülikleýin gatnaşypdyrlar. Ol uruşlar Horezimi we bütin Orta Aziýany Rus döwleti bilen baglanşdyrýan söwda ýollaryny, ýer-suwy, syýasy häkimiýeti eýelemek maksady bilen alnyp barylypdyr. Arapmuhammet han halkyň suwa bolan mätäçligini ýeňilleşdirmek üçin 1602-nji ýylda Amyderýanyň aşak akymynda, Nöküsiň demirgazyk tarapynda uly kanal gurdurypdyr. Emma bu hem suw ugrundaky göreşi gowylaşdyryp bilmändir, suw gytçylygyny kanagatlandyrmandyr. Arapmuhammet han döwürinde Horezmde ilki türkmen han begleri agalyk ediji ýagdaýy eýeläpdirler, emma soňra birwagtlar bu ýerden göçüp giden goňratly, maňňytly özbek taýpalary we başgalar Horezma gaýdyp gelipdirler.Şol taýpalaryň han begleri özleriniň ozalky agalyk ediji ýagdaýyny eýelemek ugrunda dawa edip başlapdyrlar. Arapmuhammet han olaryň talaplaryny kanagatlandyrmandyr. Şoňa görä-de, naýmanlar we uýgurlar Arapmuhammet hana garşy bolypdyr. Arapmuhammet hanyň ogullary Hebeş we Ilbars bolsa şolara daýanyp, öz kakasyna garşy çyk Türkmenistanyň ylymlar akademýasynyň “ENSIKLOPEDIÝA” neşirýaty Aşgabat -1992 ypdyr, ony tagtdan agdaryp we gözini oýupdyr