Seni ýitiren günüm nähili gündi?!. Shol güne men düshünemok shindizem. Bulut gelip, günüñ öñün örtensoñ, gijä chalym edip durdy gündüzem. Wah, ýogsam gysh günem däldi-le ol gün, ol gün adaty bir günüdi güýzüñ. Ýöne, nämüchindir, eshitmeýärdim hemisheki bagshy gushlañ owazyn. Nirdedir bir ýerde irmän chalynýan dutaryñ owazam chykýardy güñlech. Adamlañ ýüzünde, ýylgyrsalar-da, ne-hä buýsanch bardy, ne-de bir gynanch. Uchup ýören arzuwlarym-ak gushlam gara bulduñ añyrsynda aýlanyp, gechip bilmän, perwaz urup ýördüler... A men bolsam durdum diñe oýlanyp. Bir görsem, kümüshmi-zerden ýasalan jadyly gaýygñy kürekläp sen hem gözýetime - deñze siñip barýardyñ, barýardyñ nokada öwrülip kem-kem. Ne yzyñdan garaýardym gaharly, ne cheksem diýýärdim tükenmez näziñ, alasarmyk bolup, walla, añk bolup durdum bir özüm. Seni ýitiren günüm nähili gündi?!. Shol güne men düshünemok shindizem.