Dagyň arslany ýaly, Güýçlisiň sen ýaş wagtyň. Düzüň böwürsleni ýaly, Ötgürsiň sen ýaş wagtyň. Ne dana sen, ne alym, Tüýs wagtydyr, al ylym, Diliň däl, işlet goluň, Gujurly sen ýaş wagtyň. Gunça bolup açylyp, Bägül borsuň goçalyp, Gözden düşme kiçelip Ejizleme ýaş wagtyň. Şatlygyň köp, az gussaň, Başyňda söýgi kyssaň, Bu durmuş, däldir hossa, Bilmeli sen ýaş wagtyň. Toýdan soňam ýaşsyň sen, Köp zatlardan daşsyň sen, Höwürtgäňden uçduň sen, Ýolagçy sen ýaş wagtyň. Seljer gitjek ýoluňy, Söý Watanňy-iliňi, Güýjüň dagyň sili deý, Bilewergin ýaş wagtyň. Sülgün Baýramowa.