Talyplar

"YASHLYK DRAMASYNA" goshulmadyk bentler. (shahyryñ arhiwinden) Ne-hä eshik bardy, ne-de bir çörek, Ne-de gidenlerden bilerdik derek. Söýüshmäge ýürek gerekdi, ýürek, Meniñ ýigit wagtym, Seniñ gyz wagtyñ. Shonda-da käteler bälçiräp içgin, Diýerdik: "Söýüshmek hemme wagt mümkin, Öýlenmek - gerek zat köpelmek üçin, Urshuñ gazap wagty, Adam az wagty!..." Bir ýyllap degmändi lebiñe lebim, Diñe gatyshypdy demiñe demim. Soñ bir gün bozuldy beýle edebim, Meniñ Jeýhun wagtym, Seniñ ýaz wagtyñ. Bushlap Ýeñish bilen gutaran urhsy, Aldygna ýüwürdim öýñüze garshy. Bushlugmy lebiñden üzüldim ýagshy, Meniñ ýigit wagtym, Seniñ gyz wagtyñ... Urush ýeñish bilen boldy-da tamam, Iñ ilkinji soldat dolandy aman. Sholdy ilki posa ilki bahanam, Meniñ ýigit wagtym, Seniñ gyz wagtyñ... Sagymyz - derýady, çepimiz gaçy, Toraññyñ saýasy. Awgustyñ 3-i. Birden dolup gitdi gujagmyñ içi, Meniñ bürgüt wagtym, Seniñ gaz wagtyñ. Gijeler adyñy nagsh edip shygra, Gündizler özüñi basardym bagra. Emma arzuwlarmyz barmady ugra, Meniñ ýigit wagtym, Seniñ gyz wagtyñ. ULY MAZARYÑ BASHUJUNDA (Gara Seýitliýewiñ ýagty ýadygärligine) Sen örän ir gitdiñ, Juda ir gitdiñ, Emma giç gitmeli adamlardandyñ. Entekler-entekler aýdylmalydyñ - Adamdan ýasalan aýdymlardandyñ. Sen juda ir gitdiñ. Örän ir gitdiñ, Onki synañ aýdym bilen doludy. Säher bilen köçä çykyp ugrañda, Uly desse aýdym barýan ýalydy. Ulumsy ýalydyñ. Köpetdaga-da Ashakdan seretseñ görüner sheýle. Emma jülgelerniñ içine girseñ, Çagyrar özüniñ iñ pynhan öýne. Ashakdan seretsen - Ulumsy dagdyñ, Golaý barsañ - Iñ kiçilerdendiñ. Sen ir gitdiñ, Juda, juda ir gitdiñ, Ýöne giç gitmeli kishilerdendiñ. Sen ir gitdiñ. Dogran eneñden ozal Bu dünýäden ötmek örän biwagtdyr. Ýöne öleñden soñ ýüzüñden sypap, Eneñ öpüp galsa - olam bir bagtdyr. Eger biz, yzyñda galan dostlaryñ, Bashujuña gelip käte-käteler, Bir dem salym dymyp gitmeýän gitmeýän bolsak, Ýa goýberýän bolsak gaýry hatalar - Sen gunäkär dälsiñ o zatlar üçin, Ol biz dirileriñ öz günämizdir. Ol biziñ basharyp biljegem bolsak, Känbir basharmaýan meselämizdir. Ýa-da ish-güýç bilen, alada bilen, Dünýäñ derdi bilen bolup mübtela, Käte garry eneñ ýanyna baryp, Ahwalyn soramak gelmese kellä - Sen günäkär dälsiñ onuñ üçinem, Ol öz pesligimizdir, öz günämizdir. Ol biziñ hemishe basharyp biljek, Emma kemter gaýdýan meselämizdir. Sen juda ir gitdiñ, Dogran eneñden Ir gitmek - dünýäde iñ elhenç gussa. Ýöne eneñ gelip günde-günasha, Mazaryñy öpüp, gujaklap gaýtsa - Beýle bagty arzuw etmesek-de biz, Miýesser gelende ajap ykbaldyr. Bu - eneler üçin uly betbagtlyk, Belki, ogul üçin beýle hem däldir... Hanha, ýetip gelýär ýene-de eneñ, Geler ol. Ýene-de gashyñda çöker, Inerniñ iner dek mazaryn öper. Ynha, geldi, öpdi... Bu bagtam bolsa, Bagtlaryñ içinde eýmenç bagt eken.

myahridjemal

13 years ago

Şol beripdi baş söýginiň mehnetin Nirelere alyp gitdi kysmatyň? Aglaýan bolsaň-da, gülýän bolsaň-da Bir ýelerden ses gelerdi ahbetin Megerem bagtlysyň oňýansyň mensiz Men weli ölýänçäm dem alman sensiz Kyrk müň setir goşgy döreden bolsam Her harpyň içinde Sensiň, Sensiň, Sensiň Ömrüň menzillerden menzile ýetsin Men senden öňürti süýneýin sessiz Gara habar güni gara gözüňden Bir gara ýaş damsa şol maňa besdir ....kerim gurbannepesov

Bahbit

Salam agzalar. Satmak men sana bir zat aýdaýyn aslynda yhlas edilip ýazylan go$gyñ nejisi bolmaz. Ondada kerim aganyn go$gusy okalan ýerde beýle zat diýmesene gaýrat haýy$t

Öz-öziñi tanamak ücin kiciräk anketa

Ir bilen oýanýañ öýiñ ýerbe-ýer
Keýpiñ kök,janyñ sag,hudaýa sükür
Goñsyñdan bir dertliñ nalasy gelýär
$onda name hakda edersiñ pikir
Öýiñdäki ajap sapa hakdamy
Ýa $ol dertlä gerek $ypa hakdamy

Ynha bir edara.baslygy-dostuñ
Ikinizde icerde"kikirde-kikir"
Gapyda kyrk adam garasyp otyr
$onda name hakda edersin pikir
Doslukdaky täsin gudrat hakdamy
Ýada i$ikdäki nobot hakdamy

Saklandy gapyñda kerpicli masyn
Masynyñ safýory bir ogry mekir
Ýarpy bahasyna al suny diýýär
$onda name hakda edersiñ pikir
Jübiñe bähbitli arzan hakdamy
Ýa kellä bähbitli wyjdan hakdamy

Ynha et dukany satyjy goñsyñ
Saýlap secip sana bir budy ceker
Yzyndaka bolsa gaty oñurga
$onda name hakda edersin pikir
Öziñe edilen lezzet hakdamy
Ýa ili cürkeýän ülpet hakdamy

Barýar köce bilen maýyp weteran
Dine maýybam däl bir gözem sokur
Sen bolsa wolgaly dazlap barýarsyñ
$onda name hakda edersiñ pikir
Öz ornuñ öz parhyñ wolgañ hakdamy
Ýa wolga ýetiren pälwan hakdamy

Merhum sahyrymyz Kerim Gurbannepesow

Friendship

Ýag$yny wasp etmek-$ahyra adat,
diñe adatam däl,hökmanlardandyr.
Gelinler içinde gördüm bir apat,
ýok,apatam oña gurbanlardandyr.

Mañlaýy bahardan ýasalan ýaly,
ýañagy säherden ýasalan ýaly,
gabagy mähirden ýasalan ýaly,
dodaklary $eker damýanlardandyr.

Ellerniñ barmagy misli bir seçek,
dö$leri meýdanly,gözleri goçak,
bili ýarym gujak,saçy bir gujak,
gözleri bar,düýpsüz ummanlardandyr.

Gözleriniñ agy-dünýäñ gündizi,
gözlerniñ garasy-gijäñ tämizi,
megerem,$ol ala gözleriñ özi-
gijäni-gündizi ýasanlardandyr.

Ýüz gelniñ içinden saýlanyp boýy,
bir özi bezäp dur giden bir toýy,
edebiñ merkezi,akylyñ öýi,
$ahyr oña akly haýranlardandyr.

Saýlap-seçip ajaplaryñ ajabyn,
haýsy ýigde bag$ etdikä gujagyn?!
$ol gujakda mekan tutan goç ogul-
dünýäde iñ bagtly ynsanlardandyr.

(k.gurbannepesow "apat" )

Toty

DURALGADA
K.GURBANNEPESOW
EKİZ TAYY YALY JORASY BILEN,
JÜMJÜME GÜLLERİN ARASY BİLEN
jümjüme köynekli bir gözel gelyar
jümjüm güllerin arasy bilen

gyzlaryn ikiside gyzyl çabytly
çabytlan aşagy keşde sowutly
'gyzym uyam 'diyio lak ataymsan
lak atmagam indi howply

gyzlaryn birisi duran bir keyik
köwşünin ökçesi ne pes,ne beyik
megerem dünyade in bagtly oglan
şol keyik gözele yar boljak yigit

toynagyn jüp basyp,yuwaşja adya
gaymakly moroznan ujunda gadya
közli leb her gezek buza degende
tutul howan yüzi bugaryp gidyar.

menem synlap durun çekilip gyra
gyzlar menzap gelya swetofor çyra
çabytlary gyzyl yaglyklary gök
yol yapyk hem açyk bagtyna göra

gyzlaryn birisi çynar,birisi derek
gözmage göz gerek söymage yürek
wah,gözem yüregem yeterlik welin
on sekiz gerek,wah,on sekiz.

ikisem uz basyp duralga geldi
Birisi pinkirip bir zada güldi
sana güldümika? ay ya sana ,
yada bir sen yala güleni belli

asmana seretdim gün eyyam peyşin
onyança gayrdan göründi maşyn
duralga yetayman gyzlan gaşynda
togtady baş egip gözellik üçin

mündüler gyzlardan galmadym menem
ay name dynç günüm gezjek bir sellem
ay onsonam,şeyle gözeller bilen
garşy dal uçmaga kosmosa çenlem

awtobus togtady açyldy işik
renbe-ren mün gözel mün yigit üyşüp
'WATAN' TEATRNYN ÖNÜNDE DURLAR
DEN YARYSY MAGŞUK DEN YARYSY AŞYK

YÜREGİMİ ALYP ÖZLERİ BİLEN
KEREŞMESİ NAZLERİ BİLEN
GYZLARYN İKİSEM MAŞYNDAN DÜŞDİ
MENEM BÖKÜP DÜŞDÜM YZLARY BİLEN

GYZLARYN İKİSE GYZYL ÇABYTLY
ÇABYTLAN GAPDALY KEŞDE SOWUTLY
BİRDEN İKİ GÖZEL DÖRDE ÖWRÜLDİ
HERSİNİ GAPDALY GERÇEK YİGİTLİ

TANAPDYR YİGİTLER GYZLARYN GOWSUN
GÖREÇLER GÖREÇLERE ATYŞDY OWSUN
BİR YİGDA HASAM YESERJE EKEN
KEMPUTDAN DOLDURDY BİR JABDYN ÇÜWSÜN

ONYANÇADA AÇDY GAPYSYN 'WATAN'
KEMPUT İYYAN GYZYN GOLUNDAN TUTAN
BİR GÖRSEM ÖZ OGLUM ÖZ NAZAR OGLUM
GUWAN ŞAHYR GUWAN
UTAN ŞAHYR
UTAN

Camry

Sagja boluñ hemmäñize!

SÖÝGI HAKDA BIR KELEME

Söýgi, söýgi, söýgi, seniñ ýoluñda
Görgini biriçe görüpdim menem.
"Gözümiñ alnynda eräp barýañ-la,
Näne bolýar, balam?" diýýändir eneñ.

Atalaryñ bolsa kadasy bashga,
"Balam, guzym" sözün halamaz ata.
Mähir gatyshykly gazapdan doly
Nazaryn nazarña diker-de gaýta.
Diýer ol: "Balaña döw çalasy ýok!"
Atadyr. Duýsa-da duýmadyk bolar.
Her bir duýan zadyn duýdurjak bolup
Ýörmez. Shoñ üçinem atadyr olar.

Seniñ her adimñi, hereketiñi
Ölçäp öz atalyk nazary bilen,
Käte jeza berer,
Käte-de söýer.
Mähir gatyshykly gazady bilen.

Pýotryñ ogluna bakyshy ýaly
Köp manyly dymyp, gözüñe bakar.
Eñegne gyl çykan ýigitsiñ weli,
Sho mahal hemme zat ýadyñdan çykar.

Emma weli söýgi ýadyñdan çykmaz.
Ýene-de ugrarsyñ söýgiñe tarap.
Seni shol ýoluñdan gaýtaryp bilmez
Hiç hili shepagat,
Hiç hili gazap.

Gije aý aýdyñdyr. Senem ogrusyñ,
Belleshik ýerne dogrularsyñ sen.
Üzüm ogurlasa bashga ogrular,
Has shirin bir zady ogurlarsyñ sen.

Gosha-gosha posa ogurlarsyñ sen,
Gaýtalap-gaýtalap basarsyñ bagra.
Edil shu mahalam beýle ýanyñdan
Görüner gözüñe aýylganç gara.

Gyzyñ atasydyr. Gele-gelmäshe
Pil sapyn inderer. Bökersiñ yza.
Öz janyñ gutarmak kyn däldir weli,
Wah, gyza kyn bolar,
Wah, gyza, gyza!

Shol dem böwet bolup gyzyñ öñüne,
Bir agyz gygyrsyñ: "Men... muny söýýän!"
Emma dem salymdan söýýäniñ bilen
Käriziñ içinde ýatansyñ eýýäm.

Shonda-da bagryña basyp ýatansyñ,
Gyz saña galkandyr, sen gyza galkan.
Ýöne weli onuñ ýäly pursatda
Galkanlyk uzaga çekmejek eken.

Dañdanlar özüñe gelersiñ weli,
Ýatan ýeriñ ýapdyr. Kelläñem deshik.
Gözleriñ içinde doñup galandyr
Bir aýylganç keshp,
Bir gözel keshp.

Shol aýylganç keshpden iniñ titrap,
Bir gün ýa iki gün gezersiñ umsum.
Emma üçünji gün shol gözel keshbiñ
Ugrunda sergezdan ýenede sensiñ.

Ýene aý aýdyñdyr. Ýene ogrusyñ,
Bireýýäm ýadyñdan çykandyr taýak.
Indi ýöne üzüm bagynda däl-de,
Bashgarak bir ýerde çekersiñ aýak...

"Oturber, balaña döw çalmaz!" diýip,
Ýöne ýerden aýtman ekeni atañ.
Shondan soñam kelläñ kän taýak iýer.
Taýakdan taýaga berkesher gaýtam.

Biziñ söýgümiz-ä sheýleräk boldy,
Megerem, siziñki has bashgarakdyr.
Ýone hiç mahalam söýgiñ ýolunda
Üýshüp ýatan elpe-shelpelik ýokdur.

Hiç haçan bolmazam. Söýgiñ ýolunda
Hemishe shatlyk-da, hasrat-da bolar.
Ýokaryk göterip.
Ashak inderip,
Seniñ agramyñy hasaplar olar.

Ýöne weli näçe horlasa-da ol,
Horlamak hatyrna horlamak üçin
Däldir-de, gaýratyñ ölçäp görýändir
Ertirki horlukdan goramak üçin.

Camry,ya porajayus spasibo goshgulan uchinem achan teman uchinem . Poeziya bilen gyzyklanyan oydyan. Eto ochen horosho kogda paren obrazovannyy.=) asylam,kerim shahyryn bilen gurbannazar ezizovyn goshgulary gaty manyly ve ozune chekiji

Kerim agan goshgularyndan!