Salam köpden bäri agzalar! Men bu ýere şu pursatda agza boldum, ýöne mundan öň türkmen dilindäki saýtlaryň ählisini diýen ýaly okaýardym. Umumana, türkmen dilindäki saýtlaryň içinde menä şundan gowusyna gabat gelmedim.Ähli babatda edep, medeniýet saklanýan eken. Şuňa begendim. Ýöne, meňä birnäçe teklibimem bar, ýola goýup bolýan bolsa. Şu saýtda ýörite üýtgemeýän we yza süýşmeýän temalar açylsa-da gowy bolardy, mysal üçin edebiýat, taryh, her ýerdäki üýtgeşik zehinli adamlar, çagalar hakdaky habarlar we ş.m. ýerleşdirilse, hasam gowy bolaýjak ýaly. Ýogsam bu ýerde hal-ahwal soraşyp, gündelik wakalaryň gürrüňi edilýärde, bir meseläniň üstünde ýyllarboýy pikir alşylanok eken. Goý, her kim bu saýtdan türkmen dilindäki owadan goşgulary okasyn, her kim bilenini ýazsyn. Saýtyň agaryp, boş duran çep tarapynda edebiýat, taryh, sen öz şäheriňe, obaňa beletmi? diýen ýaly düwmeler goýulsa, gowy bolaýjak ýaly. Her nämede bolsa türkmen dilindäki saýtlaryň içinde şundan gowusy heniz ýok, kämillige çäk ýok, belki ýene-de gowulanar, inşallah.