Käwagt durmuşda şeýle bir ýykylýaň welin özüňe diýýäň, “arzuwlarym durmuşa geçmejek ýaly”.

Bu sebäpleri bilmek size geljekde şolar ýaly pursatlarda “hä düşnükli, men nirde ýalňyşanymy bilýän” diýmegiňize kömek eder.

1. Çendenaşa logiki pikirlenmek
“Alhimik” kitabynyň ýazyjysy Paulo Coelho “haçanda 23-24 ýaşlara gelenimizde beýnimiz has logiki bolup başlaýar. Biz ondan soňra arzuwlarymyzyň hakykat boljagyna ynanmaýarys” diýýär. Arzuwlarymyz biz bilen flirt edýär. Sen bolsa oňa ýol bereňok, “men bilýän seň näme etjek bolýanyňy” diýen ýaly edip logikanyň öz hereketleriňi dolandyrmagyna ýol berýärsiň. Gereginden artyk logiki kararlary bermek seniň täze mümkinçilikleri sypdyrmagyňa sebäp bolar.

2. Erbet dil
Gürrüň hapa söwünmek barada gidenok. Arzuwlaryň barada içiňde saklaýan, özüňe çekýän erbet pikirleriň we teswirlerleriň uly mesele. Edip bilmerin, etmerin, edip bolmaz diýmegi bes et, özüňe we arzuwlaryňa positiw çemeleşmäge başla.

3. Çäklendiriji ynançlar
Özüňe limit goýýaň. Munuň iki görnüşi bolup bilýär; ýa beýlekiler öz çäklendiriji ynançlaryny saňa geçirendir ýa-da özüňe limit goýýansyň. Munuň beýle bolmagyna ýol berme. Özüň bilen arzuwlaryň arasyna barlap görmezden, özüňi bermezden çyzyk çyzma.

4. Üstünliksiz maşgala
Adamlar maşgalalaryndaky höweslendirýän adamlaryň ýoklugyny bahana hökmünde ulanýarlar. Hakykatdanam üstünlikli adamlar ruhlandyrmalary, höweslendirmeleri daş-töwereginden tapýarlar, sebäbi ol her ýerde. Sen ýokary derejelere ýetmegiň üçin biznesde uly üstünlikleri gazanan eje ýa-da kakaň bolmagy hökman däl.

5. Utulan ýaly duýmak
Ýaşymyz ulaldygyça daş-töweregimizdäki adamlaryň hassalamagyna, dürli tragediýalar bilen ýüzbe-ýüz bolmagyna we aradan çykmalaryna şaýatlyk edýäris. Bu zatlary hem arzuw etmegi bes etmek üçin bahana hökmünde ulanýarys.

Ýöne nämedir öýdýäň? Lukmançylykda öňe gidişlik bilen häzirki döwürde 55 ýaşyňda bolmak 35 ýaşyňda bolmak ýaly. Pikir edip gör. Durmuş gowulaşýar ahyry. Mümkinçilikler bar ahyry. Entek gutaranok. Edip biljek kän zadyň bar. Daş-töweregiňdäki hadysalar sebäpli kiçi ýaşamaga ýol berme. Arzuwlar hereketlere, düşünjelere, häsiýetlere aşyk bolýar, uly ýa-da kiçi ýaşa däl.