Degişgendiň, läliksiräp, oýnaklap,
İçgysgynç günlere taýsyz taraşdyň.
Soňky duşuşykda aglaňda hyklap
"Oýun etdim" diýeriňe garaşdym.

Ak Mersedes alkymyna atlanyp,
Gideňde kejebäň bilen yöreşdim.
Hyýalymda gelnaljyny duruzyp,
"Oýun etdim" diyeriňe garaşdym.

Goňşulykda boş goýulmaz çakylyk
Toýa bardym şatlyk şowhun guraşdym.
Men samsyjak şol pursadam çagyryp,
"Oýun etdim" diýeriňe garaşdym.

Ogryn bakdym çüyşeleriň üstünden,
Ýaryn bilen kürsa çaksyz ýaraşdyň.
Ah, şonda-da çykman umyt astyndan
"Oýun etdim" diýeriňe garaşdym.

Söymedigiňe gitdiň, kalbym çanadyp,
Bilmedim neneňsi başyň çaraşdyň.
İň bolmanda ýeke gezek jaň edip,
"Bagtly men" diýeriňe garaşdym.

...ol arada "aýrylşypdyr" diýdiler,
"Hyrka" dolan damak bilen göreşdim.
Gaýta dikläp umydymy(idilen)
"Oýun etdik" diýeriňe garaşdym...😔


Kerim Hally