Gözüme seret sen, ýalan sözleme,
Müň ýalan sözläber şonda-da duýýan.
Söýmeýän diýsene, menden gizleme,
Gaty gowy bilýän ýalandan söýýäň.

Özüňe gowuja seret indi sen,
Bagtyňa eýe çyk, bagtlydyryn men,
Baýlyk üçin gitdiň, galaýmaly geň,
Garyp diýdiň indi özüňe seret.

Depderiň ýapragy gutardy indi,
Derdimiň üstüne ýene dert mündi,
Giden günüň ýatdan çykamajak gündi,
Geçmişi unut sen öňüňe seret.

Ýadymdan, durmuşdan, ýürekden çyk sen,
Menden beter bolup göz ýaşlar dök sen,
Gideniňe görä, ömürlik gitseň,
Soňky gezek meniň ýüzüme seret.


Meniň durmuşymy pozduň biwepa,
Saňa azdyr näçe çekseňem jepa,
Öňüňde bardyr kän ullakan depe,
Jennet ýerden gaýtdyň, yzyňa seret.

Kimi söýsem elden taýdy-da gitdi,
Aýakda durmaga güýjümem bitdi,
Aýralyklar menden şahyr döretdi,
Maňa goşulma sen, ýoluňa seret.

Awtory: Söhbet Döwletow.