Gyzlar çyksa köýnekçe
Ökje bary ýeňleşer
Gyzlar çyksa köýnekçe
Garry ýigit deňleşer
Gyzlar çyksa köýnekçe

Bar mähriňi sorup dur
Söýgiň odyn dörüp dur
Gyşa tomus girip dur
Gyzlar çyksa köýnekçe

Ak göwsünde kömelek
Biz şol zada emenek
Ýigit bary kebelek
Gyzlar çyksa köýnekçe

Gojalaram derläbir
Süýji-süýji gürläbir
Gökde guşlar ýerläbir
Gyzlar çyksa köýnekçe

Göz dikmäň siz jempire
Beriň ony kempire
Ösdir seni bir sere
Gyzlar çyksa köýnekçe

Gökde ýyldyrym çakar
Soňam kömelek çykar
Söýgiň böwedin ýykar
Gyzlar çyksa köýnekçe

Bilmersiň sen doňanyň
Görüp bilseň oňanyň
Kän büdürärsiň doganym
Gyzlar çyksa köýnekçe

Bolawergin merdem sen
Geçip huşy serden sen
Ýapyşaýma birden sen
Gyzlar çyksa köýnekçe

Bildir teniň terdigi
Gyşy ýazyň urdugy
Tüýs Hudaýyň berdigi
Gyzlar çyksa köýnekçe

Ýüregiňi ereder
Adam bary sereder
Şahyr goşgy döreder
Gyzlar çyksa köýnekçe

kitaphana.net