Hawwa.. meniñ bu beladan dynanyma eýýäm 9 ýyl-dagy bolupdyr. Men ol wagt mekdebi tamamlan ýyllarymdy. Ine bir günem içim gysýar diýip, arassa howadan dem almak niýet bilen daşaryk çykdym. Görsem bir tanyş oglanym Çary gelýärdi, ol menden 3 ýaş-dagy uludy. Meniñ bilen salamlaşyp şeýle diýdi: - ýör gowy ýerik gideli, men Çaryñ aýdan sözlerine düşünmän: - nirä gowy ýerik? diýip soradym. Olam: - aý barañsoñ görersiñdä diýdide çala ýylgyrdy. Men onuñ teklibine garşy bolubam durmadym, şeýdip men Çary bilen näbelli ýerik ugradym. Biz barmaly ýerimize bardyk, dogrusy men otaýyny kän-bir halamadym, sebäbi diýseñ köneräk, idegsiz ýatan jaýa meñzeýärdi. Biz içeri girdik, ol ýerde iki sany nätanyş adam otyrdy, men olary tanamadym. Biz salamlaşdyk, ol barmanada Çary jübüsinden bölejik eplenen kagyzy çykardyda olara berdi. Men ol zadyñ nämedigini bilemokdym, emma şol zady çekip başlansoñlar welin onuñ neşedigini bilip galdym. Soñra Çary meniñ hem ol zady çekip görmegimi teklip etdi, men oña garşy boldym ýöne: - alhow, bir gezek çekeniñ bilen hiç zat bolmaz diýdide, maña neşäni uzatdy. şeýdip menem olara goşuldum. Soñra men öýe tarap ugradym, ýañky neşäñ keýpinemi nämemi? öýe nädip gelenimi hem bilmedim. Ol gün meñ üçin diýseñ gowy geçipdi, hamana täzeden dünýä inen ýalydym. Ertesi, men ol zady küýsedim, şeýdip neşä bolan höwesim artdy. Men näme etjegimi bilmäm Çarylara tarap ugradym we ondan ýene düýnki ýaly zat tapyp bermegini soradym. Ol şeýlehem etdi, bir günem ol maña: - eger ýene gerek bolsa, pul tapmagymy sorady. Men eýýäm neşäni öwrenipdim, men onsuz ýaşamajak ýalydym. Ilki men enem-atamdan pul sorapdym, ýöne olaram soña-baka pul bermesini kesdiler. Men näme etjegimi bilmän öýden zat ogurlap satyp başladym. şeýlelikde öýdäkiler meniñ neşe edýändigimi bildiler, öýe gelsem ejem: - oglum saña näme boldy, kimden öwrendiñ bu zatlary diýdide, onuñ gözlerinden ýaş damjalary gaçdy. Ine men şonda, 18 ýaşymyñ içinde gözlerinden heniz ýaş akmadyk käbämiñ aglanyny gördüm. Meniñ ol zady goýmagym üçin enem-atamyñ ýüz tutmadyk adamlary ýokdy, meni doktara, molla, tebibe alyp gitdiler, emma netijesi ýok. Meniñem şol haram zady goýmak isleýädim, ýöne nädip goýmaly? Onsuz maña kyndy, bir zadym kem ýalydy, ýöne nämede bolsa, hatda janym çykýanam bolsa men ol haram zatlardan dynmak isledim. Ine şeýdibem, men onsuz bir, iki, üç günläp diýen ýaly özimi saklamana çalyşdym. şeýdip özime bolan erkim, ynamym neşä bolan ýigrenjim bilen, men ondan üstün çykdym, özimiñ gül ýaljak ýaş ömrümi küle öwürdüm diýip, birdenem tursam düşüm ekenlaý:-)