Çawy dünýä ýaýran gadymy köneürgençlileriň paýtagty Köneürgenç barada täsin bir rowaýat bar: Gadym-gadym zamanda Ürgenç şasynyň ogly şazada Genç Hüýr atly perizada aşyk bolýar. Hüýrüň kakasy hem uly şa bolup, ol gyzy bilen körekenine kerwen-kerwen tylla bagş edýär. Onuň beren tyllasy şeýle köp bolup, şanyñ gaznasyna sygmaýar. Halkyna paýlaýar. Birnäçe kerwen gyzyly bolsa, geljekki nesillerimiziň nesibesi bolsun diýip, Köneürgenjiň topragyna seçip, onam ençe gezek sürdüripdir. Türkmen topragy tohumyň ornuna altyn atylan toprakdyr, ol topraga hyzmat etseň, altynyňy müň esse edip gaýtaryp berýär. Söýüň topragyňyzy, siziň söýgüňiz al-ýaşyl ekin bolup göwnüňizi açar, penje-penje güllere öwrülip, beýhuş edip jennete düşen ýaly eder. Söýüň topragyňyzy, siziň söýgüňiz deňiz ýaly tolkun atyp ýatan galla bolup duluňyza geler. Söýgüňiz çynar bolup, enar, erik, ülje, alma bolup depäňize humaýun saýasyny salar. Ruhnamadan