Owadan siz,gyzlar,gözel siz,gyzlar siz gülleñ eyesi,gu$lañ eyesi hú$ermäñ,oglanlar,göriplik etmäñ gözellik gyzlaryñ baky mirasy. ==== göryäs biz olary uzak yollarda, göryaris zawodlañ gyzgyn sehinde, göryaris asmanda,göryaris suwda $adyýan gözlerin gyzlaryñ gúnde. === gyzlar ba$ darayar aynañ øñúnde, gún äpet göwresin salanda yere goy,olar beslensin,goy beslenmesin deñemäñ görklerin göwhere-zere. === gùn gizlenyär äpet gomlañ teyinde, baryar gyzlar köcelerden howlugym. Baýyrlañ ústùmi,köprileñ ger$i, parhy yok oglanlar gar$ylañ gülüp. === gar$ylañ siz syr saklaman yùrekde, bolun siz häzirjek gyzlan eyesi. Dú$ùnin oglanlar,ayan gyzlary gözelik gyzlaryn baky hemrasy.
Owadan siz
-
Abadan
12 years ago
- Annasoltan kekilowanyn gowy gosgylarynyn biri. Bu $ahyryn ömri hakynda okasan,gynancly yagdayda gecen
-
student3
12 years ago
- gyzlaryn waspy edilsi yaly paty$alar hatda hudaylaram wasp edilen daldir gyzlary sheyle wasp edyaler welin shol waspdan sahelce oglanlarada etseler oglanlar bu wagta duwlesip daga düze cykardylar!
-
Shahyrjyk
12 years ago
- Student3 menem makullayan bolup biler!
-
ALADIN
12 years ago
- gunesh nurun sacanda,
bahar guller acanda,
sayrap gushlar ucanda,
gülüm gozledim seni..
bakdym belent daglara,
ter chemenli baglara,
gel lalam gara mana,
yarim gozledim seni..
yodalardan yollardan,
uzak uzak illerden,
gulalekli gollardan,
gülüm gozledim seni..
yürek aglar gün-günden,
yarim giden günlerden,
gara gozler icinden,
saylap gozledim seni..
Annasoltan Kekilowa
-
ALADIN
12 years ago
- Biziñ gapymyzdan daglar görünýär,
Şol daglañ hem öz ýüregniñ dagy bar.
Çabgalar jar ýasan dereleriniñ
Almaly, injirli gözel bagy bar.
Ugramakçy bolsam alys illere,
Şu daglardan pata alýan hoşlaşyp.
Galýar daglar meniñ dogduk ilimde,
Asmandaky bulutlara baş goşup.
Galýar daglar, galýar äpet bürgütler,
Gidýärin, alyslar garşylar meni.
Ýene daglar göz öñümde janlanýar,
Ýatlamda enemiñ aýdymlaryny.
”Bu daglañ gerşine näçe guş gondy,
Bu daglardan uçup gitdi näçe guş.
Näçe gezek bu daglarda buz doñup,
Näçe gezek ýuwdy gerşini ýagyş.
Öpdükä, gör, näçe ynsan aýagyn,
Bu daglañ göwsünde uzaýan ýollar?
Näçe gezek açyldyka gunçalap,
Sürçek gaýalarda ýylgyran güller”.
Gaýtalap enemiñ şu aýdymlaryn,
Bir wagtlar meñem ýumular gözüm.
Şonda daglar pata berer hoşlaşyp,
Asmandaky bulutlara baş goşup.
Biziñ gapymyzdan daglar görünýär,
Şol daglañ hem ýüreginiñ dagy bar.
Kä egninde paralanyp bulutlañ,
Däli derelerniñ joşýan çagy bar.
-
ALADIN
12 years ago
- Biz gyrnak,
Bilýäris
Gyrnaklygmyzy,
Şoñ üçin dört ýere bölýäs ýüregmiz.
Ine, ýüregmiziñ bir böleginde
Gussaly ýaşlygmyz hem ajal ýetyr.
Gün gerekmi?! –
Tümlük?
Isläniñ saýla!
Çözmesi kyn. Elhenç…
Şu jedel ýatyr.
Ýüregmiziñ beýleki bir bölegi
Eýlenipdir sowuk garaýyşlara.
Zynjyrsyz baglanan
El-aýaklarmyz –
Ýan bermelimişin
Gara gyşlara.
Üçünji bölegi ýüreklermiziñ
Tutuşlygna eýlenipdir hyjuwa.
Bu ýerde ýigrenç bar gyrnaklygmyza,
”Baky” berilipmi gyrnaklyk bize?!
Ine, ýüregmiziñ soñky bölegi,
Bu ýerde näm bolýar?!
- Semiz jenaplar…
Dar kabinetlerde möhür basýarlar,
Basgylap,
Iñ oñat aýdymlarmyza
Gyrnaklygmyz bilen,
Baha kesýärler.
Olar baha kesýär enelerine,
Olar baha kesýär ene ýerine,
Olar baha kesýär öz-özlerine,
Olar möhür basýar öz ýüzlerine.
Biziñ ýüreklermiz bütewilikde
Ýene aýdym aýdýar gyrnaklyk hakda.
Müñläp kemsidilen ykballarymyz
Asyrlardan galan sowgatmy ýere.
Gyrnak ýüreklermiz ýaşamalymy,
Meñzäp asmandaky ýedigenlere.
Gan algysy barmy, asyrlañ bizden,
Biz şuny soraýas ogullarmyzdan?!
-
ALADIN
12 years ago
- Dönmerin öz pikirimden,
Atsalar-da ýanar oda.
Ömrüm boýy hyzmat etjek
”Ynsan” diýen belent ada!
-
ALADIN
12 years ago
- Men ýola düşýärin, gidemok ýalñyz,
Meniñ bilen asyr barýar ädimläp.
Kükreginde syrlar gizlän topragym,
Gyzykly gür berýär pikirin jemläp.
Meýmiredip bu gyzykly gürruñler,
Ýaş juwan kalbymy gurşap alsa-da,
Ýok, hiç wagt dönmen uzak ýollardan,
Saçlam agarýança hemra bolsa-da.
Men ölsem-de, ölmez, ýaşar asyrlar,
Men ölsem-de, ölmez, ýaşar nesiller.
Meni ýagşylykda ýatlasa biri,
Ömrümden razy,
Diri men, diri!
Biz ýöräp barýarys
Ýöräp barýas. Ýöräp barýas ikimiz,
Şagalañdy giñ şähere syn edip.
Sen maña bakañda meñ ýaş ýüregim,
Uçjak bolýar, al-asmana meýil edip.
Sen maña bakañda meñ ýaş ýüregim,
Ganat kakýar ymaratlañ üstünde.
Sen maña bakañda meñ ýaş ýüregim,
Ýüzüp ýördi, goja Kaspiñ üstünde.
Arzuwlarym pel-pelläp ýör gözlegde,
Görmek isläp täze-täze ýerleri.
Ah, doganlar, maña belli bolsady,
Nätanyşlañ ýüreklerniñ syrlary.
Biz ýöräp barýarys öýmuze sary,
Sen maña gür berýäñ jandan syzdyryp.
Hä bercem-de, göwnüm daglar başynda,
Ylham joşýar gyzyl ganym gyzdyryp.
Eger-de ylhama boýun egmeseñ,
Aýlar bilen ýyllar menden öýkelär.
Eger-de ylhama boýun egmeseñ,
Ýollar bilen iller menden öýkelär.
Biz öýmüze ýetdik. Düşdi garañky,
Sen ýatyrsyñ gülli ýorgan bürenip.
“Rahat ýat!” diýip, dileg edýär hüwdiläp,
Daşardaky belent çynar yranyp.
Gara baglar süýji uka batypdyr,
Eşdilenok bilbilleriñ nagmasy.
Hüwdileýär şagalañly şaheri,
Şahyr ýüregimiñ şowhunly sesi.
Ana, birden gündogardan gyzaran,
Ýalyn ýaly bolup şapak göründi.
Eý, ylhamym, ýyldyrym dek çalasyn,
Kalbymy ýaryma eltiber indi.
Aýlansam-da ylham bilen seýil edip,
Görülmedik täze-täze ýerleri.
Ýok, ýok! Enteklerem belli däl maña,
Nätanyşlañ ýüreklerniñ syrlary!...
Goşgy ýazdym, uzak gije ýatmadym,
Kalbym hemra boldy uzak ýollara.
Oýlanýaryn ünji edip bir zady,
“Ýazan goşgym ýararmyka illere?”
Dañam atdy. Horazlaram gygyrdy,
Gizlendi asmanda iñ soñky ýyldyz.
Essalawmaleýkim, eziz adamlar!
Ir bilen sag-aman turdyñyzmy siz?
Arzuwlarym
Men rahat ýatyryn şirin ukyda,
Durmuş hüwdileýär sallançagynda.
Meniñ bilen arzuw ýatyr ukyda,
Duýgularmy gizläp giñ gujagynda.
Käte öpýär, käte bagryna basýar,
Arzuwlam gijeler oýnap meñ bilen.
Gudratlar baş egip, şemal öwüsýär,
Ana, şonda ýola düşýäs dañ bilen.
Kalbymda bir owaz barha ýañlanyp,
Şirin mukamyna bent etdi meni.
Arzuw bilen şol mukama diñ salyp,
Geçirýäris ýol üstünde her güni.
Arzuwlar, arzuwlar, baky ýoldaşym,
Men siz bilen döredýärin, gurýaryn.
Umytlaryñ gaýnap çykýan gözbaşy-
Menzillerden-menzillere barýaryn.
Näme üçin?
Ol kimden nägile? Alyp bukjasyn
Ýazdy epinlerin toý köýneginiñ.
Başyn aşak salyp, gamlandy birden,
Diýdi: “Sen nirede, ýaşlygym meniñ?”
Bu şeýle bolupdy: ýetişipdi ol,
Ýatlady gyz juwanlygnyñ geljegin
Akyl goýalmandy. Şonda-da päkdi,
Kim bilýär geljegniñ name boljagyn?
Solupdy ýürekde güllän söýgüsi,
Rehimsizlik bilen taşlanypdy ol.
Kalbyndaky söýgi zägerlense-de,
Duýgular diýdiler gyza: “Belent bol!”
Başarypdy giñ hem belent bolmagy,
Gynasa-da solan söýgüsi ony.
Ne gözel gijeler geçenin ýatlap,
Az däldi ahmyrly geçiren güni.
Öldi söýgi. Ýandy söýgi, kül boldy.
Ýatlamalr ýaşaýar ol ýürekde.
Hawa, şol gözel gyz garrady bu gün,
Ahmyrly, şol köýen söýgüsi hakda.
Belki, ol ömründe köp şatlyk görüp,
Başarýandyr, ýene-de bir söýmäni.
Bilemok onçasyn, bilýärin şuny:
Ilkinji söýgi üçin köp çekdi gamy.
Käte şeýle bolýar. Ilçilik ahyr.
Ýöne diýmäñ muña: “Pelek gerdişi”
Aýdyñ siz, name üçin ol gözel gyzyñ
Toý köýnegin ýazyp, aglap oturşy?
Perzent
Owadan-la bu jaý!
Gözel-le bu jaý!
Bu jaý hormat bilen
Söýgüden doly
Munda ogul bolýar,
Gyz dünýä inýär.
Bu jaý geljek nesliñ
Simboly ýaly.
Akuşerka daýza,
Meniñ çagamy
Getirsene bäri,
Göremok häli.
Getirdiñmi? Sag bol,
Mähriban daýza.
Hany meniñ gujagyma bersene!
Tolgunýar ýüregim
Joşýar ýüregim,
Oñ gürsüldäp urşuny bir görsene!
Salam!
Dünýä inen ýaşajyk çaga!
Enelik borjuny bagş etdiñ maña.
Ýagşy küýseyşi dek
Ene topragyñ
Küýsäpdim…
Küýsedim,
Şonuñ üçinem
Ýagmyr diýen ady dakýaryn saña.
Enelik borjuny ederin berjaý-
Ýelden, ykdan gorap saklaryn seni,
Göwsümde ulalyp, kemala gelseñ.
Jahyl çykyp begendirseñ sen meni,
Şonda-da ýatlaryn bu gözel jay,
Seni söýüşim dek söýerin muny.
Açyk bolsun baky,
Ýaşasyn baky
Çagalaryñ dünýä inýän mesgeni…
Gyzyñ päkligi
Sen gör, kime gulluk edip ýaşaýañ?
Erkinlik gerekmi? Maksadyñ name?
Ýadaw gözleriñi asmana dikip,
Garañky köçede uklaýañ ýene.
Wah, sen kime gerek, sen kime gerek,
Durmuşa söýgiñ bar, başyñ bolsa ýaş.
Şonda-da basgylap aladalary,
Geçirýäñ günleri yranyp serhoş.
Sen hiç kime namysyñy satmadyñ,
Muny päklik hasapladyñ özüñe,
Wyjdan kemsidilýän şeýle mekanda
Gör, name getirdi bu päklik saña.
Giñ dünýäde nägile sen bir zatdan,
Bir hossarsyz naçar köçede galan.
Şol belent päkligiñ tukat gijeler.
Hasrat çekip aglaýar gyz sen bilen.
***
Tañrym, ne gudratlar saldyñ ýüregme,
Saña bir tükenmez uly arzym bar.
Özgäñ gujagyna saldyñ ýarymy,
Men bolsa oñ mawy gözlerine zar.
Bulgurlary al şerapdan dolduryñ,
Bagyşla sen bigünä janseregñi.
Al şeraba çalyşmasam nädeýin,
Özgäñ gursagynda galan ýüregmi?!
Akja kebelege ýüzlenme
Ne parhy bar meniñ ýatan ýerimiñ,
Daş çykyp bilmesem, gezip bilmesem.
Ne peýda bar islämde-de ölümi,
Ajaly gujaklap ölüp bilmesem.
Ne peýda bar uçup giden bürgütden,
Penjesinde alyp gitmese meni.
Nädeýin men gargalaryñ şalygyn,
Öwrenip bilmesem olañ dilini.
Ne peýda bar maña biwepa ýardan,
Bir nadan oguldan, gadyrsyz gyzdan.
Çat açan ýüregim ýeriñ üstünde,
Gitmek islän wagty ýaz bilen güýzden.
Nädeýin men gök agaçlañ saýasyn,
Uzaklardan maña ýat Gün görünýär.
Penjiräñ öñünde akja kebelek,
Pelpelläpler iki ýana urunýar.
Bu jahanda ýalñyz syrdaşym meniñ,
Kebelejik, deñ sen dünýe malyna.
Sen-ä meñ halyma dozmän urunýañ,
Men bolsa aglaýan senin halyña!
Annasoltan Kekilow
suvat 12 years ago- örän govy ýazylan goshgy