Söýüp ulaldym men ene topragy, Men şondan öwrendim mähribanlygy. Söýüp ulaldym men ata watany, Men şondan öwrendim gahrymanlygy. Guşlardan öwrendim ejizlik näme? Ýolbarsdan öwrendim batyrgaýlygy. Garşylyk islemän bol nurun dökýän- Güneşden öwrendim hatamtaýlygy. Söýgi näme? şuglaly aý sözledi: Özüñ hakykada pida etmekdir. Gaýybana söyüp bir perizady, Şoñ ugrunda jebri-jepa çekmekdir. Enemden-atamdan galyp uzakda, Olañ gymmatyny dirikam duýdum. Öz söwer ýarymdan galyp uzakda, Önküdenem has kän, köpüräk söydüm. Watanyñ manysyn başga bir ýurtda, Şyltak atan gazetlerden öwrendim. Diýarymyñ durmuşynyñ eşretin, Uzak ýurtda ezýetlerden öwrendim. Öwrenmeli diýseñ zat kän ekeni, Diñe halallaryny öwrenäýmeli. Okap, bilim alyp iñ soñunda-da, Öz dogduk iliñe köwlenäýmeli.