-Kalbymdaky we aklymdaky iñ owadan söz - seniñ adyñ eje! Saña her gezek "mähribanym eje" diýip ýüzlenenimde, söýgim artan ýaly bolýar. -Ene ýüregi - günesh deý çogly, gar tozgasy dek päkize, mawy deñiz mysaly dury we gül deý owadandyr. -Ene ýüreginiñ söýgüsi, sabry soñsuzdyr. -Dünýäde hiç bir söýgi ene söýgüsiniñ ýerini tutmaz. Wagtyñ hiç haçan täsir edip bilmejek zady - ene söýgüsi. -Aslynda bizi ýelden, ýagmyrdan gorap ýören - ene mähri. -Ynsan - gözelligiñ ashygy. Bu duýgy onuñ gözüni açyp göreninden - dünýä gözellikleriniñ iñ beýigi bolan eziz enäñ gözel görkünden gözbash alýar. -Dünýäde taýsyz gözellik bar bolsa, shol gözellik diñe ene kalby bolup biler. -Ene hüwdüsi bilen bashlanýan terbiýe perzendiñ ilhalar adam bolup ýetishmegine eltýär. -Sen barkañ - men ýokdum, sen açkañ - men dokdum. Shu günem, ertirem bashymyñ täjisiñ, ejem jan! -Sözler bilen beýan edip bolmajak söýgini taryp et diýseler, men hemishe "ejem" diýerdim. -Zenan üçin mashgala bagtyndan uly bagt ýokdur. -Eje jan, maña siñdiren söýgüñi we sabryñy ödemäge ömrüm ýetermikä?!