Talyplar

agzalar men su ýerde mahymjana ýazan hatlarymy siz bilen paýlaşmak isledim. PLEASE CALL ME Salam Mahym gowymy ýagdaýlaň enşalla gowydyr çünki men seň üçin her gije asmana bakyp Allajan saňa we maşgalaňa berk jan saglyk işiňde,okuwyňda üstünlik bermesi üçin dileg etýan. Belki sen bu hat ýalan diýip pikir edip bilersiň ýöne ynan bu hatda men däl meň ýüregim gürleýär. Her gün men sen hakda we saňa nädip öz söýgimi ynandyryp biljegim hakda oýlanýan. Ýadyňa düşýämi sen maňa her zadyň öz wagty bar diýipdiň ýöne söýginiň belli bir wagty ýokmyka diýýän eger söýgi bizden soraşyp gelsedi onda munça söýgi goşgylar,kitaplar ýazylmazdy ahyry. Men seni ýatdan çykarandyryn öýdip pikir etme men seni nirede bolsamam ýatdan çykarmaryn sen meni söýmeseňde men seni elmydama söýerin, hiç unutmaryn. Çünki men seni ullakan ýürek bilen söýdim gözlerim däl ýüregim seni gördi sen damarymdaky gana garylyp ýüregime girdin başga ýerde bolup bilmezdiňem. Sen meniň iň gymmatly ýüregim bolmalydyň ol ýerde galmalydyň köp söýgini myhman edip ýanan ýürek gujak açyp garşylady seni sen myhman däldiň şonuň üçin ugradyp bilmedim seni. Sen ol ýüregiň myhmany däl eýesi bolduň. Ýaňy pyntyklan erigiň güli ýaly owadan ynjyk teniň ýaly näzik mawy asmana aşyk etdiň meni. Asmany sensiz söýüp bilmezdim seni söýüp ahli goňşylarymy söýdim,adamlary söýdim,duşmanlarymy söýdim indi meniňem ömrüm bar iň agyr, iň çydamsyz pursatlarda seni ýadyma salsam ýeterlik boldy meni ýaşadan seniň söýgiňdi men seni ahli kynçylara döz gelip söýdim. Käwagtlar dersde sapagy diňlemän sen hakda pikir edip doňup galýan soňam mugallymlarda goşmaça sapak alyp zordan egzaminlerimi tabşyrýan. Mugallym saňa näme boldy diýendi “düşünemok” diýen bolýan. Bilýäňmi men seň ugruňda 3 ýyldan bäri ylgap ýörin ýöne sen maňa ýekejede nebsiň agyranok näme indi seň ýürejigiň şeýle doň ýürek bolaýdymy egerde seň ýüregiňde maňa çigit ýaljak göwün bar bolsa onda haýyş etýän maňa şu nomerden jaň edäýdä.(sim kart sowgat berjek) Garşy bolmasaň ol nomer menden saňa sowgat bolaýsynda ýöne haýyş etýän sowgady yzyna gaýtarmaýda çünki ol meň saňa ýetip bilmegim üçin bolan iň soňkyja umytlarymyň biri. Ýadyňa düşýämi öňler sen menden kitap sorapdyň menem ýol palçygam bolsa saňa eltipdim ýada zat kopýalatmaga gelerdiň, her gezek Aýtäçlere geçeňde başga ýerde gabatlaşsagam salamlaşardyk. Birgezegem öňem kopýadan çykaryp beren zadymy seniň ol owadan keşbigiňi görmek üçin ikinji gezek çykaryp size eltip gaýdypdym wahhhhhhhhhh ýöne hany ol günler? Käwagtlar ýatlamda gözümde çalaja ýaş damýa. Ýenede şol günler gelsedi diýýän ýöne wagty yzyna gaýtaryp bolýarmy näme!!! Mahym egerde sen meň söýgime kem baha garaýan bolsaň, meni söýmeýän bolsaň onda gel ikimiz öňki ýaly dost bolaly çünki seni göremde, seň bilen gürleşemde içimde şeýle bir gowy duýgylar döreýä wahhhhhhh saňa nädip düşindirjegimi bilemokda. Haýyş edýän jaň edäýdä ýalbarýan jaň edäý. LOVE YOU FOREVER

Ashyksergezdan

14 years ago

UNUTMA
Ahyr bir gün ynsan unudýarmyş Süýji ýatlamalary ajy günleri Bu gün etjek senden ýekeje haýyş Her gijäň ýarynda unutma meni

Sebäp men, her gije şol sagatlarda Seni ýatlap karar tapman oturýan Arzuwlam aglaýar perişan halda Gözim gurap kör bolsamda unutma

Şol pursat ýaňlanar gülkiň äleme Bir owurt suw bolup içim sowadar Diňe şemal ynanar meň nalama Däli bolup öwsenimi unutma

Aýagym ýalaňaç, elimde hasa Seniň üçin uzak ýollara düşdim Ençe ýyllardan soň saňa dolansam Magşar güni saňa duşjak unutma

Entegem ýadymda ýaşyl köýnegiň Onu bir gün meniň üçin geý ýene Seniň keşbiň aldy meniň aklymy Ýaraly guş görseň unutma meni

Aýralyk oduna ýanan günlerim Nirde bolsaň haýal etmän dolan gel!!! Seni söýýän diýip ýumulsa gözim Allaň huzurynda unutma meni

UNDUP BILEMOK
Men seni henizem unudup bilemok Hamala unutsam öläýjek ýaly Saňa duýgularymy aýdyp bilemok Aýtsam ýürejigim duraýjak ýaly

Men seni entägem undup bilemok Göýä sen yzyňa dolanjak ýaly Seni pikirimden aýyryp bilemok Senem meni çyndan söýäýjek ýaly

Seň bakyşyň göz öňümden gidenok Ýakma meni mundan artyk çydamok Ynan hiç gyz seň ýeriňi tutanok Agşam ýatsam daňym atmajak ýaly

SÖZ BERÝÄN
Bu gün bolşy ýaly ertirem ertirden soňra hem ondan has soňraky günlerde hem gözlerimdäki ýeriň üýtgemejekdigine, seni bir ömürboý söýjekdigime, kebelekleriň reňkleriniň ynsany jadylaýşy ýaly ertirimde de diňe seniň söýgiň bilen ýaşajakdygyma, iň ýakyn dostyň, iň ýakyn syrdaşyň, iň ýakynyň boljakdygyma, aladalaryň aladalarym, gaýgylaryň gaýgylarym boljakdygyna, her gaharly pursatyň seni köşeşdirjekdigime, gynan wagtyň ýüziňe ýylgyryşyňy gaýtaryp getirmek üçin elimden gelenini gaýgyrmajakdygyma, hiç wagt sowukdan ýada ýekelikden üşemejekdigiňe, ýanyňda bolmadyk wagtym meni küýsäniňde, mylaýym şemal bolup ýanyňa barjakdygyma, gözüm göziňe duşen her pursatynda, saňa täzeden aşyk boljakdygyma, ömürboýy irdenler saňa aşyk bolup oýanjakdygyma, sen uklap ýataňda saňa seredip Ýaradandan ikimiz üçin dileg etjekdigime, syrkawlap ýataňda öý işleriň ählisini özim etjekdigime, hiç haçan seniň göwniňe degmejekdigime, seni gaharlandyraýsamam bilmän edenligim üçin şol bada ötünç dilejekdigime, meni tanan güniň men nähili bolan bolsam ömrüm ötinçäde şonuň ýalak boljakdygyma, saňa bolan söýgimiň üýtgemejekdigine, söýgimiň hiç haçan egsilmejekdigine, seniň diňe 14-nji fewralda dälde 365 sany walentina güninde 365 sany adyň boljakdygyna, saňa ýalan sözlemejekdigime, nirde bolsamda diňe sen barada pikir etjekdigime, ölinçäm elimi eliňden düşürmejekdigime, her setirimi diňe sen barada ýazjakdygyma, surat çeksem diňe seniň suratyňy çekjekdigime, hiç bir zady hiç haçan senden öňe geçirmejekdigime, saňa elmydama ömrüm,ezizim, läläm, mähribanym diýjekdigime, seni baky söýgä bürejekdigime, seni sen bolanyň üçin söýjekdigime, her wagt her ýerde ilki Alla soňra sen diýjekdigime söz berýän...söz berýän...söz berýän.

BOLSADYM EGER
Men asmanyň güni bolsadym eger Ähli ýylylygymy bererdim saňa Erederdim saçyňdaky garlary Ýaşadardym mydam bahar ýazlarda.
Men asmanyň güni bolsadym eger Guradardym göziňdäki ýaşlary, Bagş ederdim saňa ähli şatlygy Bir gezejik ýylgyrşyňa gaýtargy.
Men asmanyň güni bolsadym eger Gijelerine dogardym men seň üçin Bagş ederdim hemme ýagtylygymy, Bir pursat bolmaga, ýanyňda seniň.
Men asmanyň güni bolsadym eger Ýekejede bulut bolmaz arada, Şar gara gözlerine guwanar ýaly, Nogta saçlaryňy sypalar ýaly,
Söýgimiziň meni ýakan alawy, Gün bolmaga eger ýetsedi maňa, Seniň oduň bilen seni ýyladyp, Men asmanyň güni bolardym meger.
Her gün dertleşerdim ýyldyzlar bilen, Bu güniň maksady ýok ýaly göýä, Meniň bolsa maksadym bar olam sen, Hyzmatkäriň ýaly aýlanardym daşyňdan.
Gorkma günem däl men aýam däl, Ýöne bir gezejik alsaň meni gujagyňa, Söýmekden başga zat gelmez elimden, Tapawdum ýok seň uzak aşyklaryňdan.

UNUTMA MENI
Gözleriň derýa gaşlaryň köpri bolsa köpriniň ortasyna gelemde üzülse ýüpler ýaňaklaryňdan süzülüp düşsem dodaklaryňa meni öpermiň ýada göz ýaşlaryň ýaly syryp zyňarmyň razy ähli jepaňa ähli kynçylyklara bir pursat seniň bilen bagtly bolmaga razy ömürboýy jepa çekmäge söýmeseň söýme unutmasaň bor. Maňa kän diýdiler unut ol gyzy unut onuň bilen bagly arzuwlaryňy unutdym, unutdym emma seni dälde unut diýenleriň baryny. Söýýän diýenleriň bary söýsedi eger bu dünýäde ýalan söýgi bolmazdy bu dünýäde ýalan söýgiden ýanan adam bolmazdy. Diýmezdiler maňa elini uzadyp “neresse”. Puşman däl men hiç wagt ökinmedim seni söýenime indem ökünmerin. Diýdiler dogalandyň sen diýdiler ol gyz bir zat edipdir saňa dogry dogaladyň ol enaýy gözleriň bilen näzik teniň gül ysynyň jadysy bilen. Ýürekden söýenlere perişdeler kömek edermiş maňa bolsa diňe sen kömek edip bilersiň meniň derdim ten ýarasy däl meniň derdim belli däl ady ýok dermany ýok tebipleriň elinden hiç zat gelenok. Seniň bir bakyşyň derdimiň ýarysy salam berişiň dertlerimiň barysy. Seni söýýänimi näme üçindir düşinip bilenok dogrysy meniňem düşünmeýänim ne sebäpden seni söýenim. Sen öz ýoluňy saýladyň men bolsa şol seniň ýoluňda ikimiziň ýolumyzda ahyr bir gün durmuş birikdirer seň ýoluň meniňkä. Şonda da gana gana suw içerin elleriňden howlukman dararyn mahmal saçlaryňy, gündizler gözleriňden aýyrmaryn gözlerim, elleriňi düşürmerin elimden. Ahhhhhh senem meni meniň seni söýüşim ýaly söýsediň. Seniň üçin Ýaradandan ýalbarýan durmuşyňda gözleriňde ýaş bolmasyn, bolsun her wagt gyzyl dodaklaryňda ol enaýy ýylgyrşyň ezizim. Söýmeseňde unutma meni.
LOVE YOU FOREVER.

MEN ÖZIMI AÝAMADYM HIÇ ÝERDE
Men özimi aýamadym hiç ýerde Gaýgyda, hesratda şatlykly günde Aglamda geň galdy terki dünýäler Bagtlylar geň galyp bakty gülemde

Söýemde şeýle bir ýürekden söýdim Onuň bir öýjiginem boş goýmadym men Adam söýsem kimligine garaman Söýdim üstinligi ýetmezi bilen

Maňa bolsa beýdip ýörme diýdiler Seniň bu bolşuňa diýerler tentek Sen entek ýaş ahyry, saňa gor gerek Seniň bar geljegiň öňüňde entek

Men özimi aýamadym hiç ýerde Gorum gutarar diýip etmedim müni Kä söýenim üçin urdylar meni Kä gazabym üçin söýdiler meni

Haýyr işler üçin taýýarlyk boldum Şer işiň tersine goýdum men şeri Soň görüp otyrsam gutarýan eken Diňe berilmeýän zatlaryň gory

Diňe söýmeýänleriň,köýmeýänleriň Özgäni beýgeltjek ajaýyp syry Bir gyzyl manat deý gizleýänleriň Gutarýar ekeni ýürekde gory.

Men özimi aýamadym hiç ýerde Özimi bagş etdim özgeler üçin Dogry!!! Käte azar berýär ýüregim Oňam başga zatdan bolmagy mümkin

Söýüň meni ýürek söýgi küýseýär Şeýle bir küýseýär ýok çaky çeni Ýekeje adama ýeterlik söýgi, bilen!!! Bir pursatlyk söýiň siz meni.

dowrantkm

dost bu yazlanlar birinin gosgulry dami men muny dinlapdima bet gosgular ay yatladanyn cun kop sag bol ady na bilemok ady Akmuhammet bolmalymyka diyan sol sahyryn men ony tkm disk satyn almda dinlapdim bet gosgy dost ustunlik sen yagdayna dusunyan Alla kuwat bersin

Söýgi hatjagazlarym