Erbet zatlar, erbet günler bolýar. Interwýu isleýşiň ýaly bolmaýar, kofe edilýän enjamyň döwülýär, duşuşyga barýarkaň itiň b*kuna basylýar, garaz gowy däl zatlar başymyza gelýär. Bu gowy bolmadyk zatlary tutuşlygyna aýryp bolmasa-da, keýpimizi götermek üçin gysga wagtda käbir zatlary edip bileris.

1 minutda edip boljak zatlar:
1. Bökmek – bökeniňde ýüregiň çalt urmagy seni begendirjek endorfinleriň bölünip çykmagyna getirýär.

2. Käbir yslary ysgamak – pyrtykal, lawanta ýaly zatlary ysgamak siziň aladalaryňyzy azaldyp keýpiňizi göterip biler.

3. Sakgyç çeýnemek – sakgyç çeýnelende edilýän hereket stresi azaldyp biler.

4. Şokolad iýmek – şokolad bizi begendirýär (muny ozalam bilýäs).

5. Ýaşyllyga çykmak – reňk psihologlary ýaşyl begenjiň nyşany diýýär. Ýaşyl zatlaryň ýanynda bolmak hem sizi begendirip biler.

5 minutda edip boljak zatlar:
1. Şükür edýän zatlaryň barada pikir etmek – ýa-da olary bir kagyza ýazmak durmuşyňyzda gowy zatlaryň bolup duranlygyny ýatladar.

2. Başgalara kömek etmek – hawa, gowy bolmak gowy duýmagymyza getirýär. Daýzalaryň elindäkileri götermäge kömek etmek ýaly kiçi zatlar hem gowy.

3. Dostuňa ýa söýgüliňe olary nähili gowy görýändigiňi SMS ýazmak – beýle etmek bilen hem gatnaşygyňyzy gowulaşdyrarsyňyz, hem-de söýülýändigiňizi, sylanýandygyňyzy duýarsyňyz. (ýalan zatlary ýazmak biderekdir ýöne)

4. Öý haýwany bilen wagt geçirmek – ol bilen oýnamak stresiňizi azaldar we begenersiňiz.

5. Gülkünç wideo görmek – gülmek keýpi göterýär, gysga wagtlyk wideo görüň.

6. Geýinmek – bu özüňe ynamyň artmagyna kömek edýär, gyzyl reňk has hem şeýle.

Çeşme: gurrun.com