Boşap galan ornuňyzy dolduryp
Gam gussany bogup- bogup öldürip,
Ýaşa çümen gözlerimiz güldirip.
Jahana bir pursat görünip gidiň


Toprak üste başyňyzy göterip,
Söhbet ediň uzak- uzak oturyp
Dyzyňyzda başym sypap yatyryp
Gijeler bir pursat görünip gidiň.


Ezýetlenen göwnümizi galdyryp
Alnymyza bir posajyk çümdürip,
Ejizlän kalbymyz güyje dolduryp
Ir säher bir pursat görünip gidiň.


Ýol görkeziň bir ädim ýer öň durup,
Göterseler gerden üste mündürip
Şol gün dünýa syn ederis deň durup,
Kakalar bir pursat görünip gidiň.


Nurana Arslanowa