seniň gapyňda niçeme aşyklar söwdaýy-yşk nagmalaryny aýtdy. aý ýüzüňe gurban müňlerçe mežnun seniň hasrat we hijranyň bilen ýandy-tutaşdy. adamzat taryhynda seniň ýaly söýülen başga magşuk ýokdur. aşyklar biri-birinde seniň söýgiňi görüp, hoşwagt boldy. çünki,sen güneş mysalydyň. ýagtylyk we ýylylygyňdan ýüzüni saňa tarap öwren hiç kimi binesip goýmaýardyň, mähir çoguň herkesi gurşap alýardy. magşuk sen bolansoň, bir aşygyň söýgüsi beýlekisini gabandyrmaýar, gaýtam biriniň kalbyndan çykan owaz beýlekileriniň-de ýüregindäki yşk alawyny güýçlendirýärdi. seni söýenler duýgularyna äsgermezçilik edilmejekdigini, söýgüsine söýgi bilen jogap beriljekdigini, bu söýgüde, hiç bir aýralygyň aşygy magşugyndan aýyrmaga güýjiniň ýetmejekdigini bilýärdiler. eý, gözeller gözeli, söýgüli, gel! gel, garaňky gijeleriň aýy-güneşi! gel, ýolda galanlaryň ýeke-täk ýolgörkezijisi! ýene bir ýola myhmanymyz bol... törümizde tahtyňy gur! gel, köňüllerimizdäki garaňkylygy - tümlügi kow. gel-de şol zulmatlary nuruň bilen dargat! gel, söýgä, mähir-merhemete teşne kalbymyzy muhabbetiň bilen, hoş niýetiň ýylysy bilen joşdur. gel, ruhlarymyzy paýhasyň ýagtysy bilen çaý we bizi öz ruhumyzdaky boşlukdan halas et!