Syr berip, jan alşanym,
Sensiz dünýe nirikä?
Ölmezlige çalşaryn
Sen dünýäde dirikäň.

Bakman özge zenana,
Sen ylhamym — lirikam.
Işdäm ýok alma-nara
Sen dünýäde dirikäň.

Seň üçin doglandyryn
Şu adamlaň birikäm.
Hemişe oglandyryn
Sen dünýäde dirikäň.

Arşda gyýlan nikamyz
Ötmez ýerde binika.
Sowulmaz toý-sapamyz
Sen dünýäde dirikäň.

Sensiň öýüm-öwzarym,
Sensiz ýalňyz, bimekan.
Çekdirme maňa zaryň
Sen dünýäde dirikäň.

Seýitmyrat GELDIÝEW