Hormatly ýaşlar! Türkmen edebiýatynyň,diliniň ösüş ýoly, umuman türkmen taryhy bilen gyzyklanýanlar üçin şu blogy açýaryn. Meniň bärik ýerleşdirjek materýalym bu ugurda iş alyp barýanlar üçin tapylgysyz maglumat bolar, ýönekeý okuýjy üçin bolsa gyzykly maglumat bolar diýip umyt edýän. Bu bloga syn ýazmak ýa-da jogap ýazmak zerurçylygy ýok. Eger de şu maglumatlary baýlaşdyryp biljek ýazgylaryňyz bolsa baş üstüne ýazyp bilersiňz! Türkmen halkynyň taryhda öçmejek yz galdyran magaryfçysy,alymy,edebiýatçysy şeýle hem guramaçysy Abdylhekim Gulmuhammedowyň “umyt ýalkymlary” ady bilen 1926-njy ýylda türkmenistan neşirýaty tarapyndan çykarylan kitabyň sözbaşynda Kümüşaly Böriýew awtor we döwri barada şeýle ýazypdyr. Bu ýazgy türkmen taryhy we onuň diliniň taryhy jahtden möhümdir. “türkmenistan ýaşyna ýetdi.bir ýyl içinde düzülen täze hökümet türküstana, buhara we hywa garaýan hemme türkmen kabylalaryň, uruglaryň we ýer- ýurt, mekanlaryn birleşdirip, ýygnap öz başyna bir döwlet düzdi. Hemme gurama meseleler çözüldi. Syýasy we ykdysady (güzerançylyk) taýdan ülkämiz ileri aýak basyp gelýär. Jemhuriýetimiziň barça orunlary, çet-bujaklary şuralaşdyrdy, degişli geňeş, hökümet hem jemgyýet bölümleri düzüldi. Zähmetkeşleriň köpüsi şura hökümetiniň näme ekenin bilip, halky başkarmakda, eýgermekde öz saýlap goýan sedarymyz diýip tanaýar.hojalygymyz bolsa-da öňki derejesinden galkýar. Ülke baýlygy artýar, ýasap çykarylýan zatlar köpelýär, halk gün görmek, güzeran ýagdaýlary ösýär.täze ýerleri suwarmaga hökümet kän harajat çykaryp, uly hereket edýär. Şolaryň hatarynda türkmen zähmetkeşleriniň medeni (okuwly,bilimli we hünärli) bolmak maksatlaryda gaýra goýulmaýar.türkmenistanda täze şura mekdepleri açylýar. Olarda okatmak türkmen dilinde we türkmen kitaplary bilendir. Türkmen dilinde kitaplar,gazetler, jurnallar we her dürli edebiýat basylyp çykyp durýar. Şolary ýazyp çykaryp durmaga türkmen ilatçylygy öz arasynda özüne laýyk ýaş ýazyjylar, şahyrlar, edipler we başga galam gullukçylaryn çykaryp, ýetişdirip gelýär.şol alynky ýazyjylaryň biri Abdylhekim Gulmuhammedowdyr. Gulmuhammedowyň ( ‘türkmenistan’ gazediniň başgarawçysynyň orunbasary) ýazýan hekaýalarynyň, goşgularynyň “ türkmenistan” we “ daýhan” ýülerinde höwes bilen okalany mälim. Özi gündogar halklarynyň dillerinden we edebiýatyndan köp habardar bolup beter ussatdyr. Türkmenistanyň bir ýaşyna ýetmeginiň ulug dabaraly baýram- toýunyň hormatyna bagyşlap, ýoldaş Gulmuhammedowyň ” umyt ýalkymlary” adyndaky bir topar “ türkmenistanda” çykan goşgulary goşup, basyp çykarýarys. Ýoldaş Gulmuhammedowyň goşgulary türkmen zähmetkeşleriniň duýgularyn oýadýar. Türkmenleriň öňki garaňkylykdaky hal-ýagdaýlaryn hemişe ýat edip täze durmuşa we medeniýete çagyrýar. Gulmuhammedowyň ýazýan usullaryna seretsek, 2-3 dürde ýazýar. Goşgy goşuw kanun kadalarynda Magtymgula öýkünýän ýerleriniň bolmagyna görä, bizlere okamaga agyr düşmeýär. Bir wagt şahyrymyzyň köplenç höwes bilen ýazýanlary at, ýarag, ýar we başgalar bolsa, indi zaman üýtgemegine muwafyk dileg-niýetler hem özgerýär. At-ýarag ornuny bilim-hünär tutýar. Bag, gül, ýar atlarynda umytlaryň, suratlaryn saljak bolýar, şol umytlary boljalaýar hem olara çekýär. Kümüşaly böri ogly”