Gursagymda bir del duýgy oýandy,
Ykbalyma meňzeş bolanyň üçin.
Senem duýupmydyň meniň duýanmy,
Ykbalyma meňzeş bolanyň üçin?

Günlere nur gatdyň, umyda ― tagam,
Ýogsa, sussum juda pesdi ýap-ýaňam.
Ertirki bagtym ― çyn, düýnki gam ― ýalan,
Ykbalyma meňzeş bolanyň üçin.

Dadym diňip, adyň siňdi zybana,
(Ýogsa, meňki boljagyňam gümana...)
Yhlasym sen taýa boldy rowana,
Ykbalyma meňzeş bolanyň üçin.

Ýüz o:ýa, müň dürli hyýala münýän
sen hakda
(Ah, muny ýüregiň bilýär!).
Geçdim geçilmesiz hataňam, dünýäm,
Ykbalyma meňzeş bolanyň üçin...


Sapa HOMMADOW