Talyplar

turkmenntug

12 years ago

Baryp ha,1842 nji ýylda ,palýak alymy a.çodozko ,Magtymgulynyñ üç sany go$gusyny londonda ne$ir etdirdi.ol bu go$gulary 1833 nji ýylda demirgazyk hurasana geciren syýahaty döwründe ýygnapdyr.

ne$ir bolan go$gular :
"duza myhmandyr"
"galmazlar"
"sil galmaz"

$eýle-de $ahyra degi$li bolan "ýara$maz" (aksakallyk ýara$maz.),"olmaz" (kebuter olmaz) ýaly $ygyrlary Kemine we Aýdyñ deregezli diýen $ahslaryñky diýip görkezilipdir.

( dykgat!ýolda yzda Aýdyñ deregezli eseri diýlen eser du$sañyz habar bereweriñ?! N.B.)

Merw92

12 years ago

gidiji bolma

gel, eý, köňlüm, saňa nesihat kylaý:
watany terk edip, gidiji bolma!
özüňden egsik bir gaýry namardyň
hyzmatynda gulluk ediji bolma!

hyzmat kylsaň, bolsun bir asylzada,
ata-babasyndan beýik begzada,
her çent eger bolsa aj-u uftada,
ýanyndan bir zaman gidiji bolma!

akmaýyn galmazdyr bir akan aryk,
bir tende adam ki, semizdir aryk,
bar ýüzi burukdyr, ýok ýüzi çirik,
çirik diýip, gaty söz aýdyjy bolma!

ýagşylardan hergiz çykmaz ýamanlyk,
asly ýaman bolsa, çykmaz ýagşylyk,
aslyga dartadyr ýüwrük, çamanlyk,
ýüwrükni çamanga satyjy bolma!

bir nesihat bereý, pendimi alsaň,
i̇mtiýaz eýlegil, otursaň-tursaň,
i̇degsiz-habarsyz bir ýere barsaň,
kişi aşynyň duzun dadyjy bolma!

çagyrlan ýere bar, oturgyl, turma,
çagyrylmagan ýere görünme, barma,
uýalmas kişi dek süýrenip ýörme,
buýrulmagan işi ediji bolma.

eger sen hem bolsaň nerm-u mylaýym,
sen mylaýym bolsaň, guluň bolaýym,
gulagyma bergen pendiň alaýym,
kişige gaty söz aýdyjy bolma.

nem düşmese gökden, ýer neý götermez,
ýygylsa müň gaýgy, bir iş bitirmez,
är ýigit köňlüne gaýgy getirmez,
namart ogly deýin gaýgyçy bolma.

mert oguldyr, ilge ýaýar desterhan,
dogry söz üstünde berer şirin jan,
ömrüni ötgerip diýmesdir ýalan,
jäht eýläp ýalan söz aýdyjy bolma.

sahty-dil kükregi hergiz boş bolmaz,
herniçe şatlansa, köňli hoş bolmaz,
i̇ki ýagşy bir-birewge duş bolmaz,
ýagşyny ýamana çatyjy bolma.

töwekgel ner erer, endişe – maýa,
köňlüňni iberme her kaýsy jaýa,
barçanyň yşanjy kadyr allaýa –
alladan özgäge söýenji bolma.

okur bolsaň, ok ur nebsiň gözüne,
gara, çyn göz bile müshef ýüzüne,
aldanyp girmegil şeýtan sözüne,
allanyň emrine goýgujy bolma.

eger bolsun diýseň ýeňil, agyrlar,
çykgyl bir ýana, tä, birýan bagyrlar,
ýoluksa gözüňe güň-u sagyrlar,
olaryň halyga gülüji bolma.

kiçiklikden ybadatga boýun goý,
kyýamatnyň oýun kylsaň, oýun goý,
terk edip dünýäni, zowk-u toýun goý,
gir pena ýoluga, gaýtgujy bolma.

uruglyg men diýme, taňla urug bar,
hasab-u mana-ýu wezn, sorag bar,
ýalançy bende, miz, sansyz durag bar,
bilip, ýalgan sözni aýdyjy bolma.

meý içseň mertebe hezar haşrda,
otny ur kagbaga taryky-künçde,
kurany köýdürip, butga kyl sejde,
merdumga azar iş ediji bolma.

ger tapsaň dünýäde mülki i̇sgender,
karunyň maly hem bolsa miýesser,
ahyry bolar sen ýerge barabar,
köňülde men-menlik ediji bolma.

eger çendi bolsaň sahyby-mansap,
sözün diňle, köňül bozgunça teňläp,
söz tapsaň sözlegil, tapmasaň, bil hiff,
goldan gelmez işni ediji bolma.

daň atsa, mollalar çagyrar azan,
bozulmazdyr hergiz kysmatda ýazan,
ýigitlik bossandyr, garrylyk – hazan,
tesbihden özge söz aýdyjy bolma.

aýdarlar: “ýyrtyk don görse, it gapar”,
“päli ýaman bende, hudadan tapar”,
ahyry bir güni kylar sen sapar,
dar köňül pyglyny tutujy bolma.

kitabyn açyban okyp molla diýr,
gögeredir ýagmyr suwy birle ýer,
alkyşy-fatyha doga bilen är,
mazlumga sütemlik ediji bolma.

yzzat etgen bile kişi baý bolmaz,
her niçe katlansa, mülki şaý bolmaz,
jahany talh edip, köňli jaý bolmaz,
jennete jaýyňdan gidiji bolma.

garrylyk gelgisi bir gün apaty,
ýigitlik gitgisi bir gün kuwwaty,
ganymat bil, gapyl, bu dem-pursaty,
murda dek uzanyp, ýatyjy bolma.

i̇tniň balasyny tula azdyrar,
hojasy geçirer, bende ýazdyrar,
argumak balasy bara ozdurar,
bende sen, hojaňa ýazgyjy bolma.

döwletli ogullar ýaşda baş bolar,
ýaşadykça, bidöwletler ýaş bolar,
birehim zalymyň bagry daş bolar,
barar ýerge kesek atyjy bolma.

är ogul balasy bara beý bolar,
gamçynyň astynda ýaman eý bolar,
märeke görmegen ýigit neý bolar,
geler-gelmez sözü aýdyjy bolma.

mümüniň kinesi-keten roýmaly,
guraýança bolar ermiş mysaly,
köňlüňniň kineden eýlegil hali,
küpür dek kinäni tutjy bolma.

ey köňül, gelgil sen, hakny tapaly,
nebsimiz merkebin münüp çapaly,
aýdarlar: hak ermiş mähr-u wepaly,
şol sözünden hergiz gaýdyjy bolma.

hak ermiş bendäge ýakyndan-ýakyn,
kim nesip eýlese muhubbet çakyn,
jaýba-jaý getirseň bendelik hakyn,
hojanyň buýrugyn goýujy bolma.

man diýdim birniçe pendi-nesihat,
bilseň nesihatdyr, ýogsa pesihat,
pesihat bilmegil, bilgil nesihat,
ýalançy sözleri aýdyjy bolma.

maksat – bu sözlerni kylgyl ygtybar,
umdetil-umra mehter ynak bar,
aňlamaý sözleme: “tamda gulak bar”,
i̇ç syryň kişige aýdyjy bolma.

magtymguly, köňülde köpdür armany,
tapmady akybet derde dermany,
ýetişer bir güni taňry permany,
ruzy-şeb gaflatda ýatyjy bolma.

Merw92

12 years ago

Merw92

12 years ago

mal ýagşy

adam bolup adam gadryn bilmeýen,
ondan ýene otlap ýören mal ýagşy.
sözlegende, söz manysyn bilmeýen,
ondan ýene sözlemeýen lal ýagşy.

hudaýym saklasyn şerden, gahardan,
minnetli aş ajy bolar zäherden,
eý, ýaranlar, bir bazarsyz şäherden,
ondan ki bir guwlap ýatan çöl ýagşy.

her kimiň özüne müsürdir jaýy,
ýadyndan çykmaýyr baýramy-toýy,
jan saglygyň bolmaz hiç deňi-taýy,
agşam ýatyp, ertir şükrün kyl ýagşy.

bir biwepa ýara gülüp bakandan,
şirin jany yşk oduna ýakandan,
ýat illerde mysapyrlyk çekenden,
ursa, sökse, horlasa-da il ýagşy.

magtymguly, sözlegil sen her bapdan,
bu dünýä tutdurmaz, çüýrükdir düýpden,
aňyrsy gelmeýen gury, bad gepden –
ondan ki bir şuwlap öten ýel ýagşy.

turkmenntug

12 years ago

ünsiñiz üçin minnetdar uýam.

Sizden $u bendi "ýorup "bermegñizi haýy$ etsem bolarmy? :

meý içseň mertebe hezar haşrda,
otny ur kagbaga taryky-künçde,
kurany köýdürip, butga kyl sejde,
merdumga azar iş ediji bolma.

Merw92

12 years ago

delalat ýagşy

asla adamzada ajy söz urmaň,
pakyra-misgine delalat ýagşy.
bahyla ugramaň, güler ýüz bermäň,
möhüm bitirmäge kipaýat ýagşy.

ýetimi göreňde, güler ýüz bergil,
goldan gelse, oňa tagam-duz bergil,
bir gamly görende, şirin söz bergil,
entäni goldara hemaýat ýagşy.

ýigit oldur – söze eýlese amal,
goldan gelmez işe etmese jedel,
allanyň emrine kylmagyl bedel,
bege – berim, şaha – adalat ýagşy,

garyplyk bir dertdir – adam öldürmez,
öldürmese, dirilikde güldürmez,
i̇t hem aryklygyn gurda bildirmez,
elbetde, duşmana syýasat ýagşy.

magtymguly, şükür, şirin til berdi,
şejerler gögerip, semer gül berdi,
görogly reýhana niçik ýlabardy,
“amandyr” diýene diýanat ýagşy.

Oguzogly

12 years ago

Salam Nejep aga soragyny goshgy bilen beyan etse bolarmy

turkmenntug

12 years ago

bolar,bolar Mekan aga.

Filip

12 years ago

Magtymguly sygyr meydanynyn oragyny oryp giden sahyrdyr. Sonky sahyrlar so meydanyn hosasyny cople diysek yalnysmarys!

turkmenntug

12 years ago

...magtymguly hakynda da$ary
ýurtlularyñ pikirleri,sözleri,i$leri...
hakynda bilýän zatlarymyzy paýla$aly... ?!

Gulmelek

12 years ago

Londanyn bir gadymy kitap muzeyinda(ady yadymda dal)magtymgulynyn birnace mun kitabynyn saklanyadygyny okapdym.
Hakdan halatly $ahyrymyz Magtymgulynyñ "näme sen"diyen go$gusy "kime?"bagyslanyp duzuldika mumkin bolsa bilyan bolsanyz aýdaysanyz?
Men ol go$gy öz söyen gyzy meñlä bagyslanandyr öydyadim weli bu soraga bir mollumymyz ol Hudaya bagyslanyp duzulen bolaymasa diyipdi siz nahili pikir etyaniz?

turkmenntug

12 years ago

Gazan we Petrburg universitetleriniñ professory Brezin tarapyndan
1862-nji ýylda taýýarlanan «Türk hiristomatiýa»synda Magtymgulynyñ
gosgulary ýerlesdirildi. 30-dan gowrak gosgusy bolsa belli
Venger/Majar alymy, Budapest universitetiñ professory Vamberiniñ
tagallasy bilen 1879-nji ýylda Leýpzikde nesir edildi.5 1907-nji ýylda
professor N.P.Ostreomov «Türküstan habarlary» atly gazetiñ 54-58-nji
sanlarynda sahyryñ 81 sany gosgusyny nesir edýär.

turkmenntug

12 years ago

GÜLMELEK dogan,ertir ýazjak şo barada,nesip bolsa

turkmenntug

12 years ago

dogrudanam.$u go$ga,ýagny "näme sen"i hem söýgi,bir gyza söýgi hakynda diýdiler.
Edil özümä ylala$amok.

Go$gy Magtymgulyñky,Magtymguly atamyzyñam go$gularynda wasp edilen gyz bolsa ,olam diñe meñli hanym bolmaly.
Meñli bolsa öz obada$y. $eýle dälmi?
Go$gyñ birinji setiri:

Asla seni görmemi$em,dildarym!...

Diýip ba$lanýa.
Magtymguly Meñli hanymy "asla görmemi$" bolmadygny bilýäsä?

Soñky setirlerde bolsa ýaradanyñ gudratyndan bina bolan barlyk,dünýäniñ zatlarynda ony(Allahy) görmäge çaly$ylan. (seret:mansur.h, seýit nesimi...)
...

Magtymguly,geç namysdan aryñdan,
el götergil bu wepasyz käriñden.
Jahan doly,sen gapyl sen ýaryñdan,
Ýa mestmi sen,ýa $eýdamyñ,näme sen?!

-bu size howa'dan,men menlik,haý höwesden gecmegi.
Bu wepasyz dûnýäñ i$lerinden cekiljek bolmagy.
Jahana aýan bolan ýaradanyñ ýady bilen ýa$amagy ... Ýatlatmaýamy...

Meñ pikrimçe!

pida

12 years ago

salavmaleykum! beyik osmanly dovletini soyen, ona guvanan,ona oz dovleti-baylygy hasaplan munlerche alymlar ve shahyrlar oz kan-kan eserlerini uly dovlete bagyshlapdyrlar.sheyle eserler belkem, on munlerche, yuz munlerchedit.sheyle agirtlerin biride turkmenlerin,dogrusy, ahli musulman turkilerin ruhy atasy,dunya belli turkmen akyldary ve shahyry Magtymguly Pyragydyr. ol "dowlet Alynyn (uly dowletin)" diyip yorite goshgy hem yazypdyr.
*sunniye sutundir,kapirge setdir,
çalsa tagy-tizi dowletalynyn.
älemde destandyr, illerde xatdyr,
sohbetichre sozi dowletalynyn

pida

12 years ago

Gulmelek sen mugallymynyn sozlerinde jany bar,chunki Magtymguly pyragynyn goshgularyny uns bilen okap logichni oylansan, ol beyik shahyr bir gyza ashyk bolyp, on yzyndan gidendir oytyanizmi? yoooooook
ol menli diyilyan " bizin peygamberimiz Muhammet sallallahu aleyhi vessellem). Chunli onun arkasynda muhri bolupdyr(meňi) bolupdyr. şo dovurlerde peygamberi(sav) goren ve ona iman eden sahabalar: eyrana, musure, habeshistana dini yayratmaga chykanlary gozlap gidyar oytyan yalnyshmasam.

turkmenntug

12 years ago

pida aga.
"döwletaly'nyñ" .bu go$gy Osmanly baradamyka?

Men 1754-nji ýylda ,ahmet $aha kömek ûcin giden gökleñ-ýomut ýygynynyñ serkerdesi Döwletaly atly $ahsa bagy$lanandyr öýdýädim.

Siz biraz giñräk dü$ündiräýseñiz?

Gulmelek

12 years ago

Sag bolun turkmenntug,pida giñi$leyin dü$ündirenize

turkmenntug

12 years ago

matlapdan gür bersek...

18 -nji asyr bütin türkistanda Magtymgulynyñ $ygryýetiniñ asyrydyr.

Çingiz aýtmatow.

turkmenntug

12 years ago

1911 nji ýylda ostreomow Magtymguly go$gularyny kitapça görnû$inde,arap harplarynda da$kentde ne$ir edýär...

turkmenntug

12 years ago

1910 njy ýylda buharada.ençeme TÜRKMEN alymlarynyñ gatna$magynda çap bolan Magtymgulynyñ go$gular ýygyndysy, gaty oñat cykan ýygyndylardan biri hasaplanylýa.
(bu gymmatly eser özbekistanyñ "abu reyhan biruny" adyndaky gündogary öwreni$ inistitutynyñ litografiya caplary saklanyan hazynasynda saklanýa)...

turkmenntug

12 years ago

Ýene bir.gyzykly maglumat.

1944 -ýylda berlinde,latyn hatynda gurban atly ilde$imiz tarapyndan 85 sahypalyk.Magtymgulynyñ eseri çap edilýä.
Eseri "türkistanyñ azatlygy ugrunda" atly gurama çap edipdir.

(üns ber. 1944 ýyl.berlin. gan.uru$.agy efgan...$eýle wagtdada ogul öz ejdadyny yokary galdyrýa...)

turkmenntug

12 years ago

...magtymguly pyragydyr. ol "dowlet alynyn (uly dowletin)" diyip yorite goshgy hem yazypdyr.

*sunniye sutundir,kapirge setdir,
çalsa tagy-tizi dowletalynyn.
älemde destandyr, illerde xatdyr,
sohbetichre sozi dowletalynyn

Pida aga.$u barada biraz durup geçelile,bu töwerege ýoluñyz dü$se...?!

1merdan

12 years ago

Hakdan halatly $ahyrymyz Magtymgulynyñ "näme sen"diyen go$gusy "kime?"bagyslanyp duzuldika mumkin bolsa bilyan bolsanyz aýdaysanyz?
Men ol go$gy öz söyen gyzy meñlä bagyslanandyr öydyadim weli bu soraga bir mollumymyz ol Hudaya bagyslanyp duzulen bolaymasa diyipdi siz nahili pikir etyaniz?
Gulmelek | 2012-03-07 05:04:54

MAGTYMGYLYNYŇ MONOLOGY
1
Men ýene-de size barýan
Aňyrsyndan asyrlaryň
Ýeri, bu gün taplar niçik,
Yzym tutan nesillerim?
Ata-ýurdym abatmydyr?
Bitinmidir başlaryňyz?
Eşidýäris bir suprada
Jem bolypdyr aşlaryňyz

Eşidýäris allanäme
Bir döwlete edip gullyk
Ajap ýaşap ýörmüşiňiz,
Bizem şony arzuw kyldyk

Bizi sylap ýörmüşiňiz,
Baýrak bellap adymyza
Beýle sarpa, beýle hormat.
Düşjek zatmy ýadymyza.
Adymyza köçe barmyş.
Oba barmyş adymyza.
Gözlerimiz ýaşdan doldy
Muny eşden badymyza.

Adymyza mekdep barmyş
Gözüm açan Gerkezimde.
Daga münip otyrmyşym
Il-günimiň merkezinde.

Toýuňyzda gaýtsyn hernä,
Bizi horram eýlediňiz.
Ganat gersin ykbalyňyz,
Yrylmasyn döwletiňiz
2
Men şol öňki pyragyňyz
Gaşyňyzda gullygym bar.
Eger aýyp kylmasaňyz
Kiçijik bir belligim bar.

Gürleşmegem ýeňil bolýar
Siziň ýaly düşbi bilen.
Ýaňky ýatlan belligimi,
Aydar boldym goşgy bilen.
3
Goşgymyz bar, ismi erir “name sen”
Ýatlamazdan geçe bilmen, neýleýin.
Indi aýdymyny diňlegen çagym,
Magnysyny seçebilmen neýläýin?

Diýgenime, gowy düşinmän, çaky,
Urup siz gerşime bigelşik ýüki,
Men bir gyzy dälde gözläpdim haky,
...uýalyplar gaça bilmen, neýläýin?

Gözleý-gözleý sataşmadym geregme,
Bakyň ahyr lowlap duran ýüregme,
Men Pyragy bolyp hakyň deregine?
Bir ýaş gyzy guça bilmen, neýläýin?

“Asla seni görmemişem dildarym”
Diýip, uwlaýanym däl, meňli ýarym.
Men-diýdim:-“Adyl han, asla sen barmyň?”
Guş erse, men uça bilmen, neýläýin?

Okamyş siz, beletsiňiz gylygma,
Hoşnudam il-güniň çyragylygyma
Ýöne goýaweriň pyragylygyma
Öz-özümden geçebilmen neýläýin
(berdinazar hudaýnazarow)

turkmenntug

12 years ago

sag bol agam.

(pida aga aýlanmandyrow...)

turkmenntug

12 years ago

Magtymgulynyñ edebi mirasy Türkmenistanda 10-dan gowrak gezek çap edildi, olar ýyl tertibi boýunça seýle:

1. Magtymguly. Gosgulary. Asgabat. (Paltaratski) Türkmen Döwlet Nesriýaty (T.D.N). 1926 Çapa taýýarlan Berdi Kerbabaýev. Arap-jezidçe hatynda. Stalin türmesinde ýok edilen Kümsaly Böriýewiñ
tagallasy hem-de göresjeñ yigit, soñar Stalin döwründe atylan Beki Emirberdi oglynyñ sözbasysy bilen

2. Magtymguly. Saýlanan gosgular. Asgabat. 1940 Çapa taýýarlan, Ahmat Ahundow Gürgenli. Latyn hatynda. Jübi görnüsünde.

3. Magtymguly. Saýlanan gosgular. Asgbat. 1941
A.Gürgenli bilen Ruhy Alyýewyñ tagallalary bilen. Latyn hatynda.

4. Magtymguly. Gosgular ýygyndysy. As. 1944. Baýmuhammet Garryýewiñ tagallasy bilen. Rus/ kril hatynda

5. Magtymguly. Saýlanan eserler. As. TDN. 1957. Rus hatynda. Nagym Asyrowyñ we Gylyç Kulyýewiñ aladasy bilen.

6. Magtymguly. Saýlanan eserler. As. 1959. iki tom. Rus hatynda. B.Garryýev. M.Kösaýev.

7. Magtymguly. Saýlanan sygyrlar. Asgabat-Bakuw. 1960. Sahyryñ 225 ýyllygy mynasybatyna. Arap hatynda. M.Köse, Baýramuhammet Ahundow/ Müderresi. B.Kerbabaýewiñ redaktorlygy bilen.

8. Magtymguly. Saýlanan gosgular. As. 1976, 1977. Türkmenistan Nesriýaty (T.N). B.Garryýev, M.Kösäýev.

9. Magtymguly. Saýlanan eserler. Đki tom. T.N. AS. 1983. Sahyryñ 250 ýyllygy mynasybatyna. G.Nazarow, Mükiamanow, Öwezgeldiýew, Çaryýew, Nurýagdyýew. Rus hatynda.

10. Magtymguly. sygyrlar. 3 tom. As. 1992, 1994. Mülkamanow, M.Öwezgeldiýew, M.Çaryýew... Rus hatynda.

...Soñky nesirlerden habarym ýok,dogrusy...

turkmenntug

12 years ago

Eýranda:

1. Diwan-e hezret-e Magtymguly.
Çapa taýýarlan Molla-mürze Abdyllahy (Gusly). 1947. Arap hatynda. 136 sahypa. Eýranda ilkinji çap.
şageldi Babanýazynyñ harajaty bilen

2. Diwan-e hezret-e Magtymguly.
Çapa taýýarlan Berdimäd Amany.
Kümmet hawus 1949.
Asyrguly Eminiýanyñ harajaty bilen.

3. Diwan-e kämil-e hezret-e Magtymguly.
Kümmet. 1963, 156 sah.
Muratdurdy Gazynyñ tagallasy bilen.

4. Külliýat-e hezret-e Magtymguly Fragy.
Gabus nesýiýaty. 1964. 620 sah.
Çapa taýýarlanlar Welimämmed Azernus, Muratdurdy Gazy.

5. Magtymguly. Saýlanan şygyrlar.
Asgabat-Bakuw nusgasy esasynda. Tehran, 1979-nji ýyl.

6. Magtymgulynyn kämil diwany.
M.Gazy. Kümmet 1979. 803 sah.

7. Magtymguly Fragy.
Ýasaýyşy we saýlanan goşgulary.
Abdyrahman Düýeji.
Tehran 1984. Pars we Türkmen dillerinde 285 sah.

8. Magtymguly Fragynyñ kämil diwany.
M.Gazy. Masat. 1372 1993. 2000 nusgada. 440 sah.
Senaýy çaphanasy. Daş basma nusganyñ esasynda.

... başgada bardyr,bular meň gözläp tapanjalam!

turkmenntug

12 years ago

daşary ýurtlarda:

1. A.H.Boreýho.
Polýakly alym ilkinji gezek 1842-nji ýylda sahyryñ üç sany şygryny Londonda neşir etdirýär.

2. Vamberi.H.
Die sprache der turkomanen und der Machdumkuli.
Zeitschrift der Deutschen Morgenländischen Gesellschaft.
(Türkmendili
we Magtymguly diwany. 1879. Eserde goşgularyñ almança terjimesi
hem berlipdir. 56 sah.)

3. Siýh Mohsen-e Faany.
Magtymguly diwany we ýedi asyrlyk türkçe bir
mänzuma.
Istanbul 1921. Türkiýe türkçesinde. 64 sah. (Vambriniñ çap
eden nusgasy esasynda)

4. Zeki Velidi Togan.
Türkiýýat mejmugasy (ýygyndysy) žurnalyñ ikinji
sanynyñ 365-nji sah. 1928.ý

6. Z.V.Toganyñ Almanyn Liden (häzirki Köln) säherinde 1963-nji ýylda çap bolan «Gündogar golýazmalary» atly kitabynyñ 224 -nji
sahypasynda.

7. Almanyñ Visbaden sährinde 1965-nji ýylda çap bolan «Philologia Turcicae fundamenta”(Türk filologiýa esaslary) atly kitabyñ 719-741-nji
sahypalarynda, Johannes Benzing tarapyndan alman dilinde ýazylan «Türkmen edebiýaty» diýen makalasy.
Bu ýazyjy doktorlyk tezini hem türkmenleriñ diliniñ üstünde ýazýar we ony «Türkmen dilinde işlik türleri» ady bilen 1939-nji ýylda Berlinde çapa ýetirýär. Bu ýazyjy öz eserinde Türkmen ulusynyñ göresjeñ ynsany Kümüsdepeli Dr.Ahmad
Gara-daglyny hem onuñ ýetiren kömeklerini ýatlap geçýär.

8. Baýmürze Haýit.
«Turküstan Rus bile Çin (Hytaý) arasynda»
Almançadan terjime eden A.Sadak. Hollandia. 1971.ý127-nji sah.

9. Louis Batsin.
Magtymguly Pyragy. Fransuzça.1975. 131 sah.

10. Hemzeli.
Magtymguly Fragy. Bakuw 1984

11.Himmet Biýraý.
Magtymguly diwany. Kultur bakanlygy (ministerligi) Ankara 1992. Turkiýe türkçesinde. 538 sah.

12. Emine Gürsoý.
Türkmen şiiri(gosgulary). istanbul. 1995.

13. şvesýanyñ Lund universitet kitaphanasyndasynda saklanýan şahyryñ daşbasma görnüsinde çap bolan diwany.
Lahur 1936

14. Gurban (Remezan).
Magtymkuly. Milli Türküstan komitetiñ
ýanyndaky edebi-ylmy bölümi tarapyndan 1944-njy ýylda Berlinde
Latyn hatynda. 79 sahypa.
(seret;berlin,1944ýyl.urş ot alow dowam edyän wagty...haýran galaýmaly
...ýokardada ýazpdym bu barada...

15. Azmun.Ýüsüp.
«Song from the steppes of Central Asia» (Orta-asiýa çöllerinden aýdymlar). inglis dilinde. Sahyryn 40 sany gosgusy terjime
edilipdir.
Çap eden Magtymgulynyñ dostlary adyndaky jemgiýet.
Britania.1995

16. Almanyñ «Mir» ensiklopediasy
24-nji tomunyn 42-nji sahypasynda

17. Brockhaus ensyklopediasynyñ 446-nji sahypasynda.

18. Britaniýa ensyklopediýanyñ 28-nji bölüminiñ 1101-nji sahypasynda

19. Yslam ensyklopediýa.
Magtymguly sözi. Arapça

20. Makhtumguly.
Polşada -Polýak dilinde 1954-nji ýyl
21. Makhtoumkouli Firaqui.
Poemes de Turkménie. Traduits par L.Bazin
et p. Boravav. Paris 1975( Jemi 88 sany gosgusy)

22. Magtimguli Piragi
. Almunkban el. Budapesht. 1983ý

turkmenntug

12 years ago

1. magtymguly. gosgulary. asgabat.
(paltaratski) türkmen döwlet
nesriýaty (t.d.n). 1926 çapa
taýýarlan . . .

Sho döwür ashgabadyñ ady "paltaratski" diýip tutulypdyr öýdýän

Ayyuzli

12 years ago