zaman gazetinden Toplanan sport habarlaryny size yetirmekci “Real Madrid” arany aç­ýar Ispaniýanyň “La Ligasynda” ikinji aýlaw bat alyp, 4 oýunda hasap açylmady. Sanawyň lideri “Real Madrid” öz meýdançasynda “Granadany” 5-1 hasa­bynda ýeňlişe sezewar etdi. Oýunda ýer eýeleriniň gollaryny Benzema (19, 50), Ramos (34), Higuian (47), K.Ronaldo (89) tora saldy. Soňky çempion “Barselona” bolsa myhman­çylykda şäheriň beýleki kluby “Espanýol” bilen du­şuşdy. Barselona derbisinde iki toparam 1 oçko bi­len oňňut etmeli boldy. 16-njy minutda Fabregas bilen öňe saýlanan “katalonlaryň” toruna jogap pökgüsini 86-njy minutda Alwaro Waskes girizdi. Şeýlelikde, “Barçanyň” “Real” bilen arasyndaky ara­tapawut 5-e ýetdi. “Willarreal” bilen “Walensiýa-da” 2-2 hasabynda deňme-deň oýnadylar. italiýanyñ çempionatynda “Milan” myhmançylyk­da “Atalantany” Ibrahimowiç (22, pen.) we Boa­tengiň (82) gollary esasynda 2-0 hasabynda utdy. “Leççeni” Matriniň (27) goly bilen ýeňen “Ýuwen­tus” ýeňlişsiz ýörişini dowam etdirýär. “Inter” “Parmanyň” toruna jogapsyz 5 pökgi girizdi. Oýun­da ýer eýelerinden D.Milito (13, 41), T.Motta (17), Pazzini (56) we Faraoni (78) tapawutlandy. “Ro­ma” Tottiniň iki penalti goly (34, 78) bilen “Kiewo­ny” utan bolsa, paýtagtyň beýleki kluby “Lasio” “Sienadan” 4-0 hasabynda asgyn geldi. “Ertir çem­pionatyň 18-nji tapgyrynyň çäklerinde “Milan” “In­teri” kabul eder. türkiýäniñ ýokary ligasynda tablissanyň öňdebary­jysy “Galatasaraý” myhmançylykda “Samsunspor” bilen duşuşyp, 4-2 hasabynda ýeňşini baýram et­di. Olar garşydaşlarynyň 2-0 hasabynda öňe saýla­nandygyna garamazdan 4 pökgi girizip, bu möw­sümdäki bassyr 8-nji ýeňşini gazandylar. Oýunda ýer eýelerinden Ehiosun (22, 32), myhmanlardan bolsa Semih Kaýa (51), Selçuk (70), M. Baroş (78) we Serjan (84) tapawutlandy. Öz meýdançasynda “Gaziantepspory” kabul eden “Fenerbahçe” garşy­daşyny 3-1 hasabynda ýeňlişe sezewar etdi. “Be­şiktaşyň “Ankaragüjü” bilen deňme-deň oýnan tap­gyrynda “Trabzonspor” Burak Ýylmazyň (80, 90+3) iki goly esasynda “Istanbul BB” klubundan üstün çykmagy başardy. Indiki tapgyryň esasy oýunlary: “Milan”-“Inter”, “Braga”-“Sporting”, “Marsel”-“Lill”. BU GEZEK ÇÄRÝEK FINALDA: Ispaniýanyň kubogy ugrundaky ýaryşyň (Copa del Rey) çärýek finalynda “El Klasiko” derbisi oýnalar. Ýagny geljek hepdäniň çarşenbe güni – 17-nji ýan­warda “Real Madrid” öz meýdançasynda “Barselo­nany” kabul eder. Jogap oýny bolsa 25-nji ýanwar­da geçiriler. “Real” 1/8 finalda “Malagadan” (3-2, 1-0), “Barça” bolsa “Osasunadan” (4-0, 2-1) üstün çykmagy başardy. Mälim bolşy ýaly, geçen ýyl iki topar finalda duşuşypdy we “Real” kubogy asma­na göteripdi. Türkiýäniň kubogyny eýelemek ugrunda 3-nji tap­gyryň oýunlary geçirilip, “Galatasaraýdyr” “Fener­bahçe” degişlilikde “Adana Demirspory” hem-de “Konýa Şekerspory” 4-1, “Trabzonspor” “Güngö­renspory” 2-0, “Beşiktaş” bolsa “Gaziantep BB” klu­buny 2-1 hasabynda ýeňlişe sezewar etdi we 1/8 finala çykmagy başardy. Geçen hepdäniň ahyrynda oýnalan Angliýanyň FA kubogynyň 3-nji tapgyrynyň çäklerinde Mançester derbisi oýnalyp, “Ýunaýted” myhmançylykda “Siti­ni” 3-2 hasabynda ýeňlişe sezewar etdi. (Kolarow 48, Aguero 65 – Rini 10, 40, Welbek 30). Oýnuň 12-nji minutynda eminiň Winsent Kompanä gyzyl petek görkezendigini hem ýatladýarys. “Ýunaýte­diň” indiki tapgyrdaky garşydaşy “Liwerpul” bo­lup, oýun 28-nji ýanwarda geçiriler. Şeýle-de Angliýanyň Liga kubogynyň ýarym final oýunlary geçirilip, “Kristal Palas” “Kardiff Siti­ni” (Gardner 43), “Liwerpul” bolsa myhmançylyk­da “Mançester Sitini” 1-0 (Jerard 13 p)hasabynda ýeňlişe sezewar etdi. Jogap duşuşyklary 24-25-nji ýanwarda oýnalar. Galyberse-de, Italiýanyň kubogynda “Ýuwentus” hem-de “Sienadan” soň “Roma”, “Lasio”, “Kiewo” we “Napoli” çärýek finala çykdy.