Mugallyma klas tagtasyna “BAKALY” diýen sözi ýazýar-da, okuwçylara ýüzlenýär: -Hany, çagalar, düzüminde şu söz bolan sözlemi düzüň! Maral ilkinji bolup elini galdyrýar-da: -Men “Dur, bakaly!” diýen multfilmi söýýärin. -Örän oňat, Maral jan! Pena gezek ýetende şeýle diýýär: -Kakam maňa irden “Göreli, bakaly, bu gün näçelik baha alyp gelerkäň?” diýdi. -Berekella, Pena. Sen kakaňa bäşlik aldym diý-de, gündeligiňi görkezäý! Gezek Amanjyga ýetende ol ellerini hereketlendirip gepläp başlaýar: -Meniň kakam piwony gowy görýär. Ol bäş bakaly birden içip bilýär. Bir gezek kakamyň bakaly döwüldi. Ol piwohana gitdi-de, üç sany bakaly ogurlap getirdi. Şol üçisindenem häzir bir bakaly galdy. Eger ol bakaly hem döwläýse kakam ýene-de birnäçe bakaly piwohanadan... -Bes et! Bes et! – diýip, mugallyma gulaklaryny tutyp gygyrýar.