Şu günki türkmen, sen tä okamagyňy bes edýänçäň bilimlisiň, bilimli bolmak islegiň ýitensoň, nadana öwrülersiň. Türkmeniň her bir raýaty ylymly-bilimli bolmalydyr, ol onuň ruhy dünýäsiniň, gürsüldäp duran ýüreginiň, teşne ruhunyň, duýgur kalbynyň, şahyrana göwnüniň belent bolmagynyň baş çeşmeleriniň biridir. Okamak, öwrenmek - durmuş hakda has düýpli oýlanmakdyr. Okaýan wagtyň adamda täze-täze pikirler, hyjuwlar oýanýar. Okamak, öwrenmek - Beýik Allatagalanyň alkyşydyr. Men bilimli, sowatly adamlara aýratyn sarpa goýýaryn. Öwrenmän, diňe öwretmek-puly gazanman, diňe sowmak bilen deň zatdyr. Öwrenmegiň iň oňat usuly okamakdyr. Okamagyň iň oňat usuly pikirlenip okamakdyr. Pikir ýok ýerinde bilim hem ýokdur.