Asla adamzada ajy söz urmaň, Pakyra-misgine delalat ýagşy. Bahyla ugramaň, güler ýüz bermäň, Möhüm bitirmäge kipaýat ýagşy. Ýetimi göreňde, güler ýüz bergil, Goldan gelse, oňa tagam-duz bergil, Bir gamly göreňde, şirin söz bergil, Entäni goldara hemaýat ýagşy. Ýigit oldur-söze eýlese amal, Goldan gelmez işe etmese jedel, Allanyň emrine kylmagyl bedel, Bege-berim, şaha-adalat ýagşy. Garyplyk bir dertdir-adam öldürmez, Öldürmese, dirilikde güldürmez, It hem aryklygyn gurda bildirmez, Elbetde, duşmana syýasat ýagşy. Magtymguly, şükür, şirin til berdi, Şejerler gögerip, semer gül berdi, Görogly Reýhana niçik ýalbardy, “Amandyr” diýene diýanat ýagşy.
Magtymguly- delalat yagshy!
-
Melike86
14 years ago
- Salam! Minnetdar goshgyna
-
zagajkis
14 years ago
- salam melike sen 86njy yylda doglan gerek? tanayan oydyan.
-
Melike86
14 years ago
- Salam zagajkis! Howwa 86y mumkin tanayan bolmagyn
-
Ayjagash
14 years ago
- Sag bolun betman. Yenede Magtymguly pyragynyn goshgularyndan yazp durun.
-
BETMAN
14 years ago
- bolya dotlar biz hemishe bile!!!
-
ADALATLY
14 years ago
- Sag bol dost.
-
Broker
14 years ago
- gowy goshgy eken. kop sag bol
-
mirasymyz
14 years ago
- Sagjabol, betman! ýene ýazyp dur.
Ýetimi göreňde, güler ýüz bergil,
Goldan gelse, oňa tagam-duz bergil,
Bir gamly göreňde, şirin söz bergil,
Entäni goldara hemaýat ýagşy.
Örän dürs aýdylan söz. Aslynda biz klim? bu goşgular-a teswir bermek kim?
Bize diňe okap amal etmek galýar.
-
Adgjmptw
14 years ago
- Sagja bol Betman! Magtymguly Pyragynyñ her bir goşgy setirleri uly gollanma bolup, bize hyzmat edýär. $ol gollanmany ýerlikli peýdalanmak biz üçin zerurdyr doganlar!
gulgunjik 14 years ago- It hem aryklygyn gurda bildirmez,
Elbetde, duşmana syýasat ýagşy.
Ine menin durmushymyn shygary!!!!sagja bol betman,Dana shahyrymyzyn goshgusyndan yene yazyp dur..