Türkmenin ajy ykbayndan Bosgulygyň ajy günleri! «Asmandan aýroplan uçar, Köçeden awtomobil geçer, Milletiň Eýrana gaçar, Boş galar Leniniň ýurdy.» Afan şahyr. Jergelan (Eýran) Türkmenistanda bolşewikleriň zulmuna çydam etmedik halk 1928-nji ýyllarda topar-topar bolup Eýrana we Owgana syngmaga mejbur bolupdyrlar, ýöne Eýran döwleti bosa-bosluk edip özlerine sygynanlary mäherli garşy almagyň deregine olary horlamak horlapdyr. Eýrana sygnan “Garagum işanyň ogly”, bu ýerde horlanandygy barasynda Türkmenistandaky dogan-garyndaşlaryna şeýle mazmunly hat ýazypdyr: «Oturmaga ýer, tutmaga ýurt soramak üçin Gürgenden Tahrana gitdik. Münüp barýan atlarymyzy, eşeklerimizi ýolda urup-zorlap aldylar, hernä janlarymyza degmediklerine şükür etdik. Agyr ýola çydaman ýarpy menzilde ejem öldi. «Ýedi gün ýola çykanymyza» diýende olgum öldi. İkisenem ýolugra jaýladyk. Kyrk gün diýlende Tahrana bardyk. Möhümimiz bitmdi. Ýene yzymyza gaýytdyk. Şondanam «bagt alla» diýip Owgana aşdyk. Görmedigimiz görde galdy. Bizi alla gargadymy, ors sygdyrmadymy, bilmedik ne günämiz? Didarlaşmasak razy boluň, ganly gözümiz size sataşmagyň, ata ýurdy görmegiň arzuwynda.» (Ýaşlyk žurnaly 1992-nji ýyl 7-nji san: Gaplaňaganyň “Jüneýit han baradaky gürrüňi” diýen makalasyndan.)