Durmuş tejribelerinden paýhas derejesine ýeten Rigellian jynsynyň wekili Naron, dördünji nesil galaktikasynyň ýyl ýazyjysydy.

Iki kitaby bardy: biri, ähli galaktikalardaky köp sanly aňly jandarlaryň siwilizasiýalarynyň sanalan uly kitabydy; ikinjisi has kiçi bolup, Galaktikalar federasiýasyna girmäge hukugy bolan derejede ösen we özleşdiren siwilizasiýalary öz içine alýardy.

Şowsuzlyk, biohimiki we biofiziki deňsizlik we sosial adalatsyzlyk ýaly dürli sebäplere görä peselen siwilizasiýalar uly kitapdan aýrylypdy.
Emma kiçijik kitaba girizilen federasiýa agzalarynyň hiç biri-de ol ýerden aýrylmandy.
Garry Naron özüne gelen habarçysyna seretdi.
- Naron! Habarçy gygyrdy. - Merhemetli we Beýik…
- Heý, hormatyň hökman däl. Näme boldy?
- Organizmleriň başga bir topary kämillik ýaşyna ýetdi.
"Gowy!" Gaty gowy! Indi bular ýalylar çalt ýetişýär, täzeliksiz bir ýyl geçmeýär. Bu gezek kim?
Habarçy galaktikanyň koduny we galaktikanyň içindäki planetanyň koordinatlaryny aýtdy.
Naron: "Hawa, hawa" -diýdi. - Men bu dünýäni bilýärin.
Bu planetanyň adyny göwnejaý ýazmagy bilen uly kitapda ýazyp, soň başga birine göçürdi. Däp bolşy ýaly, kitap belli bir planetada ýaşaýan adamlaryň köpüsiniň atlandyryşy ýaly bir at bilen ýazylypdyr. Şonuň üçin Naron täze planetany "Earth" diýip atlandyrdy.
"Bu ýaş jandarlar rekord goýdy" -diýdi. "Hiç kim aň döräli bäri kämillik derejesine çenli beýle çalt geçmedi". Hasaplamalarymyzda ýalňyşlyk ýok diýip umyt edýärin, şeýlemi?
Habarçy: ", Ýok, jenap" -diýdi.
"Termoýadro güýjini aldylar, şeýlemi?"
"Hawa jenap."
Naron ýylgyrdy: "Bu esasy zat. - ýakyn geljekde olaryň kosmos gämisi barlygyny öwrenip, Federasiýa bilen aragatnaşyk gurup başlar."
Habarçy göwünsizlik bilen sözüni dowam etdirdi. - Synçylar entek kosmosa girmändiklerini aýdýarlar.
- Nädip? - Naron geň galdy. "Olar entek çykanokmy?" Kosmos stansiýalarynyň derejesinde-de?
- Ýok, jenap.
- Ýöne termoýadro güýji bar bolsa, ony nirede barlaýarlar?
"Jenap, öz planetalarynda."
Naron ýigrimi fut beýikligi bilen ýerinden turdy we gaty ses bilen gygyrdy:
- Öz planetasynda?!
"Hawa jenap."
Naron ýuwaş-ýuwaşdan ruçkasyny çykardy we kiçijik kitabyň soňky belliän planetanyň üstüni çyzdy. Öň beýle bolmandy, ýöne Naron gaty paýhaslydy we “Galaktika” -nyň beýleki agzalary ýaly boljak wakalary öňünden görüpdi.
Naron "Samsyk eşekler" -diýip gygyrdy.

Terjime eden: Sapargylyjow Baýramgylyç