MEŞHUR ÝAZYJYLARYÑ WE AKYLDARLARYÑ AÝAL-GYZLAR HAKYNDA AÝDAN SÖZLERI

"On sany agzym, on sany dilim bolsa-da, aýallaryñ erkeklerden pul çilmek üçin edýän oýunlaryny sanap ýetişip bilmerin".
Owidiý

* * *

"Şemler bir sönensoñ, hemme aýallaram owadan..."
Plutarh

* * *

"Gabanjañ aýalyñ gahar-gazaba ýugrulan gargyşy adamy guduzlan itden has beter zaýalaýar".
Uilýam Şekspir

* * *

"Aýallaryñ gözýaşyndan has çalt kepeýän zat ýok".
Jon Uebster

* * *

"Ar-namysly zenanlaryñ köpüsi indelmänsoñ, üstünden barylman ýatan hazynalara meñzeýär".
Fransua de Laroşfuko

* * *

"Zenanlar mydama çakdan aşmaga meýilli, olar erkeklerden ýa has gowy, ýa-da has erbet".
Žan de Labruýer

* * *

"Zenan size ýüregini bermänem görsün, şonda onuñ teniniñ beýleki ýerlerinden özüñizi hiç haçanam halas edip bilmersiñiz".
Jon Wanbru

* * *

"Erkek bagtly durmuşdan lezzet alýar, aýal bolsa berýän bagtyndan".
Pýer Şoderlo de Laklo

* * *

"Urkaçy jandaryñ iñ uly ýalñyşy - adalat duýgusynyñ ýoklugydyr".
Artur Şopengauer

* * *

"Garaşsyzlyk deklarasiýasynda" öñe sürülýän pikirleriñ adamzadyñ ýarsy bilen hiç hili baglanyşygynyñ ýoklugy akyla sygjak zatmy?"
Harriýet Martino

* * *

"Zenanlar düşünmek üçin däl-de, söýülmek üçin ýaradylypdyr".
Oskar Waýld

* * *

"Bir zenan öz ýaşytdaş erkeginden hemişe ýaş görünýändir".
Elizabet Barrett Brauning

* * *

"Zenan - Hudaýyñ ikinji ýalñyşlygydy".
Fridrih Nişse

* * *

"Garakçylar ýa puluñy alar ýa janyñy, aýallar onuñ ikisinem alar".
Semýuel Batler

* * *

"Hakyky ýaşyny aýdan aýala hiç haçan bil baglamañ. Ýaşyny dogry aýdan aýaldan her zada garaşyberiñ".
Oskar Waýld

* * *

"Otuz ýyllap zenan ruhy bilen gyzyklanandygyma garamazdan häzirki wagta çenli jogabyny tapmadyk bir soragym bar: Aýal näme isleýär?"
Zigmund Freýd

* * *

"Ne gözellik, ne-de dilewarlyk. Käbir aýallar seýkin basyp şeýle bir ýöreýärler welin, adamyñ aklyny başyndan uçurýarlar".
Redýard Kipling

* * *

"Owadan aýallary hyýaly güýji bolmadyk erkeklere berip görsek näder?"
Marsel Prust

* * *

"Hudaý erkegi ýaradanda onuñ ýeterlik derejede ýalñyz däldigini gördi we özüni hasam ýalñyz duýsun diýip oña bir taý ýaratdy".
Pol Waleri

* * *

"Köp zenan suratlandyrylyşy ýaly ýaş däl".
Maks Birbom

* * *

"Kyrk bäşinde owadan aýaldy, soñam uzak wagtlap şeýleligine galaýjak ýalydy".
Anita Brukner

* * *

"Erkek bilen bagtly ýaşajak bolsañ, oña köpräk düşünip azrak söýjek bolmaly. Aýal bilen bagtly ýaşajak bolsañ ony köpräk söýüp düşünmezlige çalyşmaly".
Elen Roulend

* * *

"Zenanlar rewolýusiýanam, rewolýusionerlerem ýigrenýär. Olar ýuwaş gylykly, bankda işleýän we nahar wagtyndan gijä galman öýe gelýän erkekleri gowy görýärler".
Genri Luis Menken

* * *

"Aýallar bilen erkekler iñ bolmanda bir meselede birleşýärler: Olaryñ ikisi-de aýallara ynanmaýar".
Genri Luis Menken

* * *

"Zenanlar ençeme asyrlardan bäri erkegi tebigy keşbinden iki esse uly görkezme güýjüne we jadysyna eýe aýna mysalydyr".
Wirjiniýa Wulf

* * *

"Aýallar erkekleriñ tersine - ilki söýýärler, soñ isleýärler".
Anri de Monterlan

* * *

"Aýal bolup dogulmaýar, aýal bolunýar".
Simona de Bowuar

* * *

"Aýal bilen diñe üç zady etmek mümkin: Ony söýüp bilersiñiz, onuñ zaryny çekip bilersiñiz, birem ony edebiýatlaşdyryp bilersiñiz".
Lorens Darrell

* * *

"Zenana menden beter bendiwan bardyr öýdemok: munuñ elimde birnäçe delili bar".
Alan Jeý Lerner

* * *

"Sudda ýüzbe-ýüz bolýançañyz bir aýaly hiçem tanap bilmersiñiz".
Norman Meýler

* * *

"Erkekleriñ derdi aýallarynkydan has köp. Olar hemme zatdan ötri aýallaryñ näzine çydamaly".
Fransuaza Sagan

* * *

"Aýal adamsynyñ ýygy-ýygydan atýan ýomaklaryna her sapar gülen bolup oña dönüklik edýär. Aýalyna garap: "Men sensiz nädip oñaryn?" diýýän erkegiñ bireýýäm işi gaýdandyr".
Žermen Grir

* * *

"Menden sorar bolsañ, azgyn heleýi diñlemäñ.
Aşygyna sözlänin suwa, şemala ýazmañ".
Gaý Waleriý Katull

* * *

"Aýallaryñ hemmesi iru-giç ejelerine meñzeýär. Bu olaryñ tragediýasydyr. Hiç bir erkek ejesine meñzemeýär. Bu hem onuñ tragediýasydyr".
Oskar Waýld

Toplan we terjime eden: Has TÜRKMEN.

http://kitapcy.com/news/2020-03-09-10738