Talyplar

Eger beýleki adamlaryň isleýän zatlaryna ýetmäge ýeterlik kömek etseň, sen hem durmuşda isleýän islendik zadyňa ýetip bilersiň.(Zig Ziglar) * * * Ýalňyşýan adam akmak däl-de, hiç haçan ýalňyşmaýan adam akmakdyr. (Dewin Poltiýer Robson) * * * Durmuşyň iň oýlandyryjy we möhüm soragy şudur: başgalar üçin näme edýärsiň? (Dr Martin Luser King) * * * Duşmanlaryňy bagyşlagyn, ýöne olaryň atlaryny welin, hiç haçan unutmagyn. (Jon F. Kennedi) * * * Gahar bilen başlanýan islendik zadyň soňy masgaraçylyk bilen gutarýandyr. (Benjamin Franklin) * * * Söýgi ot üstünde gurlan dostlukdyr. (Jeremi Taýlor) * * * Diňe özüni bilýänler dogrusynda bir gowy zat bar, olam olaryň başga adamlar barada gürlemeýänligidir. (Lusil S. Harper) * * * Üstünligiň syry hiç kimiň bilmeýän nämedir bir zadyny bilmekdir. (Aristotel Onasis) * * * Lukmanlarym maňa meniň hiç haçan ýöräp bilmejegimi aýtdylar, ejem bolsa, näme üçin ýöremeli dälligimi ýaňzytdy, men ejeme ynandym. (Wilma Rudolf) * * * Eger bagty özümizde tapyp bilmesek, ony hiç ýerden hem tapmak mümkin däldir. (Agnes Repliýer) * * * Geljek – öz arzuwlarynyň owadanlygyna ynanýanlaryňkydyr. (Eliýanor Ruzwelt) * * * Biz zatlary bolşy ýaly däl-de, özümiziň bolşumyza görä görýäris. (Änis Nin) Iňlis dilinden terjime eden Miwe Baýlyýewa, HTTU-nyň 4 ýyl talyby 10.10.2010 (kopden bari tema achmandym)

Laplandiya

13 years ago

Bir zady pida bermezden, hiç zat gazanyp bolmaýar. Hezreti Aly (r.a.). * * * Bilibem bileniňi berjaý etmezlik heniz şol zady doly bilmeýändigiňi aňladýar. Abdülhakim Arwasy. * * * Gözleýän zadyny bilmeýän adam tapandygynam bilmez. Ataullah Iskender
* * *

Jähenneme girjekler barada size habar bereýinmi? Olar daşýürek, malyny haýyr işe sarp etmekden gysganýan, ulumsy kişilerdir. Hezreti Muhammet (s.a.w.).

* * *

Biri senden ýüz öwürse gynanma, şeýlelikde, dostuň bilen duşmanyňy aýyrt etdigiň bolar. Hezreti Aly (r.a.).

* * *

Bir ýalňyşyny ikinji gezek gaýtalamaýan adam iň kämil ynsandyr. Albert Eýnşteýn.

* * *

Okalmaly iň uly kitap adamdyr... Pir Hajy Bekdaş Weli.

Yhlas bilen kakylan gapy, elbetde, bir gün açylar. Ahmet Hulusy.
Diňe içi aýdyňlanan adam daşyna ýalkym saçyp biler.Ismet Özel.
* * *

Geçmişem ýokdur, gelejegem, diňe tükeniksiz HÄZIR bardyr.

Abraham Gowley.

* * *

Söýmek biri-biriňe bakmak däldir, bilelikde şol bir tarapa garamakdyr.

A.S. Eksýuperi.

* * *

Kanagat hem takwalyk uly gazançdyr. Sebäbi biz bu dünýä hiç zat getirmedik, mundan äkitjek zadymyzam bolmaz.

Keramatly Pawel.

* * *

Esasy zat adamyň öz imany barada näme aýdany däl-de, şol imanyň ony nähili özgerdendigi, ony nähili ýagdaýa getirendigidir.

Roger Garaudy.

* * *

Allaha pikirlenmek ýa oý-hyýal bilen däl-de, buýranyna boýun bolmak bilen ýetip bolýar.

Ymam Rabbany.

Özüňe erk et, dünýä erk edip biljek güýç taparsyň. Eflatun.
“Allahym, peýdasyz ylymdan, kabul bolmajak dogadan, gorkmaýan kalpdan we doýmaz-dolmaz nebisden Saňa sygynýaryn”. Hezreti Muhammet (s.a.w.).
* * *

Size kelläňiz erk edýän bolsa hökmürowansyňyz. Bedeniňiz erk edýän bolsa gulsuňyz.

Kato.

* * *

Batgada biten gülem bolsa ýakaňa dakma.

Möwlana Jelaleddin Rumy

Bir zady ýok ýerinden gözlemek ony gözlemezlik diýmekdir. Möwlana Jelaleddin Rumy.
* * *Kynçylyklar başarnygyň gymmatyny artdyrýan zynatdyr.Molýer.
Dünýä söýgüsi ähli ýalňyşlyklaryň başydyr.

Hezreti Muhammet (s.a.w.).

* * *

Adam dili bilen däl-de, eden işleri bilen gürlemelidir.

Stehr.

* * *

Kim bir baýa baýlygy sebäpli öte hormat-sylag etse, dininiň üçeden biri gider.

Hezreti Muhammet (s.a.w.).

* * *

Kemala ýeten kişileriň sözi gysga-da bolsa, şerhi köp bolar. Söz köpelse, duzy gaçar.

Mustafa Aziz Çynar.

* * *

Özüni täzeläp bilmeýän adam geçmişde galmaga mejbur bolar.

A.F.Ý.

* * *

Ýaşlygymyzda oý-pikirlerimizi emele getirýän meseleleriň ählisi söýgi bilen baglydyr, soň-soňlar bolsa, ähli söýgimiz oý pikirimize öwrüler.

Eýnşteýn.

* * *

Adam dogany bilen oturanda öwrenmek üçin sorasyn. Kejeleşmek üçin däl.

Hezreti Muhammet (s.a.w.).

Paýhaslar düwünçegi