Heý unudyp bormy ýokdan bar eden

Älemi ýaradan Ýaradajyny

Aý,Gün ,Ýyldyz ,Ýer şaryny ýöreden

Dünýäni döreden Döredijini




Aldanma şeýtana öziňe bek bol

Ýelek kimin gaýyp ýörme çar ýana

Başarsaň adama kömek etjek bol

Başarmasaň azar berme ynsana




Nadany dost tutsaň aýbyňy açar

Kyn güniňde gaçar

Durmaz ýanyňda

Çyn dosdyňdan aýrylmagyn hiç haçan

Gözel durmuş ýagşylaryň ýanynda




Dos-dogry ýol bilgin yslam ýolydyr

Bu ýolda jemlenen haýyr sahawat

Kerwensaraý aladadan dolydyr

Her demde Halyga etgin ybadat




Her demde Halyga etgin ybadat

Ynsan wezipesi şondan ybarat




Gerçeknazar Amannazarow