Seni görsem, niredendir bir ýerden
Mylaýym sabalar düşýär ýadyma.
Seni görsem, niredendir bir ýerden
Humarly sapalar düşýär ýadyma.

Seni görsem, niredendir bir ýerden
Dowamly ýagyşlar düşýär ýadyma.
Seni görsem, niredendir bir ýerden
Doňaklyk (bagyşla) düşýär ýadyma.

Seni görsem, niredendir bir ýerden
Ýetmedik toýumyz düşýär ýadyma.
Seni görsem, niredendir bir ýerden
Tutmadyk öýümiz düşýär ýadyma.

Seni görsem, niredendir bir ýerden
Göçegçi bulutlar düşýär ýadyma.
Seni görsem, niredendir bir ýerden
“Bagyşla, unut”-laň düşýär ýadyma...

17.08.2021ý.

Sapa HOMMADOW