"Hollywood Reporter" internet saýtynyñ habar bermegine görä, dünýäniñ iñ köp girdeji gazanan filmi "Awatar"-yñ 2-njisiniñ hem surata düshürlmegi mümkin. Saýtyñ habarynda meshhur "20th Fox Century" kinokompaniýasynyñ eýesi awstraliýaly Rupert Murdogyñ kino taryhynda uly yz galdyran "Awatar"-yñ 2-nji filmi bilen içgin gyzyklanýandygy bellenilýär. Hatda bu taryhy filmiñ rezhissory Jeýms Kameronyñam "Awatar"-yñ 2-njisini ekranlashdyrmaga garshy däldigi, gaýtam sheýle taslamany amala ashyrmaga maksat edinýändigi barada habarda aýdylýar. Filmiñ düshürilip düshülmejekdigini wagt görkezer. Ýöne dünýäniñ iñ gymmat büjetli filminiñ uly mukdarda girdeji getirmegi prodýusserleri ýöneligine goýmasa gerek. "Awatar" bilen baglanshykly bashga bir habar bolsa, filmiñ Blu-ray hem-de DVD-leriniñ iýul aýynda halk köpçüligine ýetiriljekdigidir. Ýöne filmiñ Blu-Ray hemde DVD-leriniñ 3D ulgamynda däl-de, adaty boljakdygy bellenilýär. Ýeri gelende aýtsak, tutush dünýäde prokatdan iñ köp girdeji toplan "Awatar" filmi ABSH-da hem 1-nji orna geçdi. Oskaryñam esasy dalashgäri hasaplanýan "Awatar", rezhissýoruñ bashga bir filmi bolan "Titanik"-iñ 600 million dollarlyk rekordyny 630 million dollara (tutush dünýädäki umumy girdejisi 2 milliar 210 million dollar) ýetirmegiñ hötdesinden geldi.