Türk dünýäsiniň Çingiz atasy aradan çykdy. Dünýä belli ýazyjy, türki dilli halklaryň “Çin­giz ata” diýip ýüzlenýän adamy, “Asyr­da­nam uzaga çeken gün”, “Çapgy ýassygy”, “Kas­san­dranyň tagmasy“ romanlarynyň awtory Çin­giz Aýtmatow hepdäniň Ýaşgüni Germaniýanyň Nürnberg şäherindäki hassahanada segsen ýa­şy­nyň dolmagyna alty aý galanda aradan çykdy. Aýtmatow hassahana Magtymguly aýynyň 16-syna “böwrek ýetmezçiligi“ sebäpli ýerleşdirilipdi we şondan bäri ol emeli dem alyş enjamlaryna bag­­ly ýagdaýda galypdy. Ýaşgüni onuň saglyk ýag­daýy hasam erbet­le­şip, has çynlakaý ýag­daýa geçdi. Birazdan soň bol­sa, ýazyjy aradan çykdy. Gyrgyz ýazyjysy Çingiz Aýtmatowyň “Asyrdanam uzaga çeken gün” (“Boranly ýarym duralga” 1980), “Jemile”, “Ýlkinji mugallym”, “Ak gämi” (1970), “Çapgy ýassygy” (1986), “Kassandranyň tagmasy”, “Daglar ýumrulanda (Ebedi gelinlik)” (2006), “Deňziň kenarynda ýortýan ala köpek” ýaly eserleri dünýäniň ähli ýerinde söýlüp okalýan eserlerdir. Türkmen edebiýatynyň uly dosty Çingiz Aýtmatowyň eserleriniň köpüsi türkmen diline terjime edildi.