Derdimi gozgaýar saňa duşmagym,
Sowulyp geçeýin gowusy ýene.
Saňa çyn ýürekden aýtjak sözlerim,
Bu gezegem gury gitmesin ýele.

Ýyrtyp barýar ýöne yşkym gursagy,
Ynjasa-da -- ol muny kän duýanok.
Intizar gözlerme soragly bakyp,
"Bu dertleňden ýadadym men!" diýenok.

Suw içmäge ýetişmediň haýp sen,
Akyp ýatan çeşmesinden yşkymyň.
Menem öz günümi görerin,
                                              çünki
alajyny taparmyşyn yşk gamyň.

Nätanyş ýollardan gatnap  başlamsoň,
Sen döner gidersiň köne ýatlama.
Ýaňakdan syrygyp,
                                jigere damyp,
Akar durar ýöne meniň ýaşlam-a.

...Sowulyp geçeýin gowusy ýene,
Saňa diýjek sözlem gitmesin ýele!