essalowmaleýkim halaýyk! menem şu ýerde size özümden ujypsyz bolmadyk sowgat hökmünde şu aşakdaky rowaýatlary getirip şu sahypa öz adymdan goşant goşmak isleýärin. bu rowaýatlar – halkymyzyň arasynda asyrlarboýy ilden-ile, dilden-dile geçip gelen rowaýatlarydyr. bu rowaýatlarda halkymyzyň geçmişi iňňän aýdyň görünýär. biz bu rowaýatlardan özümize zerur bolan sapaklary almalydyrys. dostlar, sizdenem, öz bilýän, halkymyzyň geçmişinden habar berýän rowaýatlardyr-tymsallary, ertekilerdir-basnýalary şu sahypa ýazmagyňyzy sizden towakga edýärin. hormat bilen ahmet. husyt gadym zamanlarda bir baý bar eken. ol bitiniýme gysyk bolupdyr. gapysyndaky mallaryny – düýesini, atyny, it-pişigini gaty hor saklapdyr. hojaýynyň gysyklygyndan nadyl bolan it bilen pişik öz aralarynda dawa edipdir. ilki bilen it gürläpdir. - gel gaçaly, ýogsa biziň hamymyzy serýä bu naýynsap... - ynha görersiň, ertir hojaýynyň aty öler – diýip, pişik welisiräpdir. – onsoň hojaýynyň gözüne basyp, baý, iýeris-ä... bu gürrüň hojaýynyň gulagyna degýär. ol haýdan-haý atyny satmak bilen bolýar. aç haýwanlar ýene dawalaşyp başlaýar. - gaçaly, dogan, gaçaly – diýip, it açlygyndan towlanypdyr. men-ä ölýän, halys içim goruldy. pişik mawlapdyr: - ýüzi gursun oň!!! ertir düýesi ölýär. onsoň näderkä? hemişe diňşirgäp ýören husyt bu gürrüňem gapyp alypdyr. şeýlelik-de, düýe bazardan çykýar. jübüsi puldan doly hojaýyn ýanyn-ýanyn ýöräp, öýüne gelýär. it bilen pişigiň şol öňki bolşumyş. - indi-hä aňyrsy görnüp dur-la – diýip, pişik içi tütäp duranam bolsa ýylgyryp gürläpdir. – biler bolsaň, men düýn bilgijiň ýanyna bardym. ol şeýle diýdi: “seň hojaýynyň aňry gitse üç günden amanadyny tabşyrýar. "nähili görýäň, şepe? – pişik heşelle kakypdyr. – husydyň mal-dünýesi ikimize galýar. öňünden aýdýan: nebsiňi şaglatmagyn, ikimiz deňje paýlaşmalydyrys". - eý, taňrym!.. – diýip, gözleri peträn husyt akyldaryň ýanyna eňipdir. - it bilen pişik meniň ölümimi dileýär. – ol haşlap gürläpdir. – özüň bir ýol salgy beräýmeseň-ä, iş çatakdyr... pähimdar başyny ýaýkapdyr. - sen öz eliň bilen bagtyňy ýatyrypsyň. şeýle döwletli malyny satmaga ýürek edýän adama men näme maslahat berip bilerin?! at – ganatyň, düýe – döwletiň ahyry. indi seniň günüňe it aglar. gugaryp, sopbaş galypsyň. pul näme, bir tokga daşdyr-da... husyt bady-baran aglapdyr. tiz wagtdan soňam ýanyny ýere berip, aradan çykypdyr. p.s. men bu ýazgymy şu sahypadaky käbir dost agzalaryma bagyşladym. olar: gunça, bayram-jm, kelle agyry, baytas, micail, halk, arassatürkmen, antiwirus, gulianna, serjon, ayazkaka, we başga-da ady ýadyma düşmedik beýleki agzalar. okaň we lezzet alyň!!!