Söwer ýary görmekligem kyn boldy,
Dost haýsydyr,duşman haýsy bilmedim
Ajyz başym şum rakyba syn boldy,
Edep haýsy, erkan haýsy bilmedim.

Aşna bolmak her namarda aýypdyr,
Jan almaga jellat donun geýipdir,
Ak ýüzüne gara zülpün ýaýypdyr,
Gülşen haýsy, gülzar haýsy bilmedim.

Ozaly geýipdir gurmyzy gülüm,
Sähralarda biten sowsan, sümbülim,
Taýyndan aýrylan garyp bilbilim,
Gülmek haýsy, girýan haýsy bilmedim.

Bir gelin görmüşem geými dyzyndan,
Hiç hylap tapmadym aýdan sözünden,
Gujaklap boýnundan, ysgap ýüzünden,
Didar haýsy, dildar haýsy bilmedim.

Söwer ýardyr şirin jana azarym,
Şähdim budur, almakdadyr gazarym,
Diýer Şeýdaýy, saňa düşdi nazarym,
Iman haýsy, yslam haýsy bilmedim
11.02.2021ý 18:40